Дали приватните и семејните врски влијаат на вашата физичка активност?

Веруваме дека секој од вас се нашол во ситуација кога, на пример, отидовте на тренинг затоа што оди и вашиот најдобар пријател. Или купивте ново парче облека затоа што тоа го предлага познат тренер или инфлуенсер. Тоа покажува колку сите сме изложени на силното влијание на однесувањето на другите и очекувањата на луѓето околу нас.

На кратко, важно е да се чувствувате прифатени како член на група или колектив, и ова обично вклучува одредено ниво на усогласеност со нормите што ги има таквата група. Ова е еден вид социјален притисок што може да се прочита во сè, почнувајќи од музиката што ја слушате, секако, вашето здравје и кондиција.

Колку врската со пријателите и семејството влијаат на вашата физичка активност?

Истражувањата покажаа дека шансите за успех се значително зголемени ако направите нешто со вашиот партнер, бидејќи токму партнерите влијаат многу едни на други. Особеноста на таквата врска е токму во добрата комуникација, а посветената врска е одлична за ментална подготвеност и физичка активност. Таквите луѓе знаат дека имаат некој што ги поддржува и со кого можат да ги споделат стресовите во животот.

Кога станува збор за пријателите, факт е дека и во нив можете да најдете одличен пример. Особено кога односите се нормални, реципрочни и поддржувачки, квалитетот на врската е клучниот фактор што ќе влијае на вашето здравје и кондиција. На пример, пријателка која оди дома рано од ноќно излегување затоа што има час по јога наутро може да биде само позитивен пример за вас.

Затоа, квалитетот на односите е клучен фактор и има големо влијание врз здравјето и кондицијата. Инвестирајте што е можно повеќе во врски со луѓе кои ве поддржуваат, бидејќи тоа значи и долгорочно здравје и за вас – физичко и емоционално.

Прочитајте и: Кардио тренинг од само 15 минути

ФОТО: Pixabay