5 најдобри тренинзи што можете да ги изведете на свеж воздух
Конечно пристигна потопло време, што значи дека многу активности можат да се преместат на отворено. Една од нив е дефинитивно тренинг што претставува поголемо задоволство да се изведува на отворено.
По онлајн часови по јога, HIIT, танц или табата тренинг, време е да се фокусирате на некои други форми на вежбање, а истовремено да си поминете добро. Бидејќи, тренинзите на отворено носат со себе доза на авантура и забава, особено ако сме во друштво (секако почитувајќи ги мерките за заштита). Ви донесуваме некои од најдобрите и најзабавните форми на тренинг што можете да ги направите на отворено или во природа.
5 тренинзи што можете да ги изведувате на чист воздух
Тенис
Ако вежбате спорт што вклучува рекет, имате помали шанси да умрете од срцев или мозочен удар, открива Медицинското училиште Харвард. Имено, тенисот обезбедува тренинг за целото тело, а тоа можете да го практикувате во текот на целиот живот, без оглед на возраста. Според едно истражување објавено еднаш во „Британскиот журнал за спортска медицина“, луѓето кои играат тенис неколку пати неделно во средна возраст имаат поголема веројатност да живеат подолго. Имено, тенисот е аеробен тренинг кој му користи на здравјето на срцето, со што се намалува ризикот од кардиоваскуларни болести. Исто така, помага при слабеење, го зголемува опсегот на движење, ја подобрува рамнотежата и моторните вештини, го намалува ризикот од остеопороза, ве прави поагилни и не смееме да ја заборавиме социјалната интеракција која позитивно влијае на менталното здравје на поединецот.
Пливање
Добро, можеби сè уште не се осмелувате да пливате на отворено, но бидете сигурни дека тоа носи со себе цела низа здравствени придобивки. Како и секоја друга форма на редовна физичка активност, пливањето помага да се постигне саканата тежина, го подобрува здравјето на срцето, го намалува ризикот од дијабетес и може да го намали ризикот од одредени видови на рак. Секако, постои и намалување на ризикот од развој на депресија и подобар сон.
Поврзани објави
Групно возење велосипед
Организирајте неколку пријатели (проверете дали бројот на луѓе е во согласност со мерките за заштита на коронавирусот), полирајте ги велосипедите и започнете заедничка авантура! Без разлика дали одите кон блискиот парк или кон некоја подалечна дестинација, возењето велосипед ќе биде одличен кардиоваскуларен тренинг фокусиран на согорување калории за активирање на мускулите на долниот дел од телото. Возењето велосипед е многу нежно кон вашите зглобови поради неговиот среден интензитет, и со сето тоа е многу забавно, особено ако се земе предвид прекрасниот пејзаж низ кој поминувате.
Тренинг во парк
Без разлика дали станува збор за групен час по јога или за некој друг вид тренинг, придобивките од вежбањето на отворено, по можност во природна средина, се безброј. Покрај бегството од вашиот дом каде што веруваме дека сте поминале огромно време во последната година, социјалниот контакт со другите на тренинг ќе ве мотивира.
Голф
Можеби сте скептични во мислата да замавнете со голф-палка, но оваа забавна активност го намалува нивото на стрес и исто така помага во еден вид тренинг за ум бидејќи бара когнитивни способности како координација на рацете и очите.