Загубата на родителите е најтешка: Овие 10 работи засекогаш се менуваат

Честопати не сме свесни дека нашите родители се сосема обични луѓе со нормални слабости, сè додека не биде предоцна. Станува возрасни, а нив ги гледаме како непобедливи личности. Заминуваме, се отселуваме од семејното гнездо со чувство дека ним ништо не може да им се случи, дека секогаш ќе нè чекаат дома…

Со текот на времето, тие стареат, а ние ги гледаме како суперхерои што се претвораат во баба и дедо. Воопшто не личат повеќе на оние луѓе од нашето детство. И за жал, мора да дојде време кога тие ќе си заминат од овој свет.

Ова се работите што се менуваат кога ќе починат родителите…

1. Станувате свесни колку е важно семејството

Никој никогаш нема да ве сака толку несебично колку родителите. Тие знаат да ве искритикуваат и да ви кажат кога ќе тргнете по погрешен пат, но никогаш не го прават тоа со лоша намера, туку исклучиво за ваше добро.

2. Тешко е да се преболи таа загуба

Додека родителите се живи, вие сте деца, без разлика колку години имате. Кога нив ќе ги снема, во човекот се вовлекува голема тага. Станувате свесни дека сте сами на некој начин. Се сеќавате на мајчиниот лик кога ве бакнува пред спиење, на татко ви кој ве учи да возите велосипед…

3. Ве нервираат луѓе кои се жалат на своите родители

А вие би го дале сиот свет само за да ги видите и прегрнете барем уште еднаш… Ви доаѓа да вреснете: Биди среќен што ги имаш, што се уште живи!

4. Болката од таа загуба речиси секогаш е присутна

Тоа е единствената болка што никогаш не избледува. Дури и кога сè ќе ви оди како што треба, срцето ќе ви биде малку немирно, бидејќи ќе ви недостигаат тие.

5. Нема да можете да се помирите со фактот што вашите деца нема да ги познаваат вашите родители и дека вашите родители нема да ги видат вашите деца

Ќе ви убива фактот што вашите родители не се на семејните фотографи за време на празниците. Што вашата мајка нема да може да ѝ го пренесе тајниот рецепт за колачи на вашата ќерка. Што вашиот син никогаш нема да ја спознае мудроста на вашиот татко…

6. Ќе им завидувате на луѓето чии родители сè уште с еживи

Ќе ве јаде љубомора за време на празниците кога вашиот колега ќе оди кај мајка му на ручек. Ќе ве убива фактот што вие немате каде да одите за Божиќ, а некоја ваша пријателка се жали за тоа што мора да ги помине празниците кај своите родители наместо да оди во Виена или Рим…

7. Божиќ, Велигден и семејните слави ќе бидат денови на кои нема многу да им се радувате

Дури и да имате сопруг, сопруга или деца, празниците како Божиќ, Велигден или славите, секогаш ќе ве потсетуваат на родителите и ќе ви биде многу тешко што не се покрај вас.

8. Ќе дознаете многу тајни

Со теков на времето, до вас ќе стигнат некои детали што не се вклопуваат во вашата слика за мајка ви и татко ви. Некои нивни грешки ќе излезат на виделина, а вие нема да можете да се помирите со фактот што не сте ги познавале толку долго.

9. Кога ќе чуете некоја среќна вест, автоматски ќе посакате да им се јавите на вашите родители и да ја споделите со нив

Со текот на времето ќе се фатите себеси како тргнувате да им свртите на телефон на мама или тато…

10. Ќе сфатите колку била голема вашата љубов кон нив

Оној ден кога тие ќе исчезнат од вашиот живот, ќе сфатите колку многу сте ги сакале. Можеби не се повеќе покрај вас, но вие сте единствената личност на светот што засекогаш ќе ги носи во срцето.

Знаејќи ги сите овие работи, сега може да направите само едно нешто: Поминувајте време со вашите деца! Нека имаат убави спомени од вас!