Како да изберете ресторан за венчавка – совети и предлози!
Резервирајте веднаш
Откако кажавте „Да“ почнете веднаш да размислувате која ќе биде локацијата каде ќе се случи прославата. Иако венчавката можеби е после шест месеци, по оваа тема не смеете да почекате ни момент. Сигурно досега сте присуствувале како гости на повеќе венчавки, а некоја свечена сала ви се допаднала и сте замислиле и вие да ја правите вашата на истото место. Време за чекање нема, распоредите на свадбените прослави се секогаш набиени, затоа не се разочарувајте ако оној што сте го замислиле е веќе резервиран за конкретниот датум.
Цена на мени и декорација
Сега најчесто рестораните имаат комплетна пакет понуда, која освен менито со јадење вклучува и други моменти како декорација, музика или торта. За да не ја трошите енергијата на повеќе страни, побарајте од одговорните целосен пакет на услуги, нормално доколку претходно некој ви го потврдил своето добро искуство. Ќе заштедите и време, а сигурно и пари бидејќи комплетните понуди секогаш излегуваат поекономични.
Простор за играње
Декорација одлична, амбиент беспрекорен, но мал простор за играње. Музиката и играњето ја прават свадбата да биде како што треба, затоа никогаш не се залажувајте со моментот дека просторот е прекрасен, разгледајте подобро и проценете дали вашите на вашите гости ќе им биде пријатно додека играат.
Можност за промени
Секогаш ќе се појави ситуација кога некои гости нема да дојдат. Токму затоа преговарајте и за бројот на порциите за оние што нема да се појават на свеченоста. Најчесто во повеќето од рестораните нема да ви бидат наплатени до 15 порции, но секако доколку се договорите.
Светло
Можеби не размисливте за осветлувањето. Кога ќе ја разгледувате салата за прослава не го занемарувајте ни светлото. Доколку е слабо со сигурност треба да ангажирате дополнителна монтажа на светла.
Редакцијата на “Убавина и Здравје“ за вашата ѕвездена ноќ ви ги предлагаме следниве места…
РЕСТОРАН ДЕНИЦИЈА
ХОТЕЛ “Александар Палас“
Хотел Мериот Скопје
Ресторан ПОТКОВИЦА
РЕСТОРАН ВЕЗИЛКА
РЕСТОРАН ДАЛИА
РАГУСА 360
RAGUSA 919
РЕСТОРАН ПАРК
РЕСТОРАН РОЗЕНБЕРГ
РЕСТОРАН КСАНТИКА
РЕСТОРАН ЕКСКЛУЗИВ
ПОВЕЌЕ ЗА СПЕЦИЈАЛОТ ЗА ВЕНЧАВКИ ВО ПЕЧАТЕНОТО ИЗДАНИЕ НА МАГАЗИНОТ “УБАВИНА И ЗДРАВЈЕ“