Пристигна првото бебе родено во вода во Македонија
Болницата „Плодност“, следејќи ги светските трендови од областа на технологијата и едукацијата, целосно се подготви за примена и на овој вид алтернативно породување, преку стручната надградба на својот персонал и техничките можности и капацитети.
Синоќа во приватната гинеколошко-акушерска болница „Плодност“ во Битола, се роди првото бебе во вода, метод кој првпат се применува во која било болница во Македонија.
Мајката е од Битола, станува збор за прва бременост и вчеравечер, околу 23 часот, на свет донесе женско дете.
Мајката и бебето се во одлична состојба, а родилката е пресреќна што на овој начин и’ беше овозможено породувањето во болницата „Плодност“.
Ова е огромен успех за тимот на болницата „Плодност“, кој по многубројните обуки надвор од државата, имаше можност овој метод да ја примени првпат и во Македонија.
Породувањето за мајката и за новороденчето со овој метод носи голем број предности: топлината на водат го опушта телото, што за мајката значи намалување на родилните болки, кои траат пократко и се поефективни, со што се намалува потребата од обезболување.
Кадата во која се одвива породувањето е специјално изработена од материјал и со форма дизајнирана за породување и во таков облик кој и’ дава комфор на родилката и на акушерките за заемна работа.
Породувањето во вода важи за алтернативен метод, кој е често применлив во клиниките во светот.
Болницата „Плодност“, следејќи ги светските трендови од областа на технологијата и едукацијата, целосно се подготви за примена и на овој вид алтернативно породување, преку стручната надградба на својот персонал и техничките можности и капацитети.
Текст и фото: ПР