Ешли Греам во бикини 6 месеци по породувањето: Ги покажа сите стрии и лузни на стомакот (ФОТО)
Не дозволи да ја фотошопираат
Славната плус-сајз манекенка Ешли Греам кон крајот на јануари на свет го донесе своето прво дете, и одлучи да биде брутално искрена за работите што сега се нејзино секојдневие.
Само неколку дена по породувањето, таа се соблече и гордо ги покажа своите стрии. Со таа фотографија заработи импресивни 1,5 милиони лајкови и воодушевување од нејзините фанови.
Истото го повтори кога покажа како изгледа нејзиното тело само 13 недели по породувањето, а потоа откри неколку вежби со кои се обидува да ја врати состојбата.
Поврзани објави
Сега, шест месеци по раѓањето на нејзиниот син, Греам е подготвена за работа со полна брзина.
За новата кампања, таа се облече во бикини и потврди дека е горда на своето тело, со стрии, лузни и сè друго.
Таа не пропушти прилика да укаже дека фотографиите, направени во куќата на нејзиното семејство во Небраска, не биле обработени во фотошоп.
Прашањето е секогаш што сакам да се ретушира и отстрани, а јас им реков – ништо“, истакна таа.
Ешли отсекогаш била позната по тоа што промовира позитивна слика за телото на жената, но признава дека и требало некое време да го прифати нејзиното ново тело.
Фото: Инстаграм