Семејна приказна што почна како сон…
Нашата приказна почна како сон на мојот сопруг, кој уште од својата четиринаесетта година професионално работи како готвач. Желбата да бидеме заедно беше мотивот и причината да го отвориме нашиот прв кинески ресторан во Македонија. Кога се запознавме, јас студирав, па затоа останавме овде и го започнавме нашиот заеднички живот.
Иако планот беше, по завршувањето на студиите, да се вратиме во Кина, посветеноста кон работата и љубовта кон гостите природно нè одведоа по поинаков пат — пат што денес е нашата најубава животна приказна.
Семејството — најсилната инспирација
Денес сме петчлено семејство: нашата ќерка има 20 години и студира во Кина, а нашите два сина имаат 15 и 11 години. Сите сме дел од семејниот бизнис, кој ни е најголем двигател, мотивација и секојдневна инспирација.
Името Star Ocean е директен превод на името на мојот сопруг — Шин Хаи, каде што „Шин“ означува ѕвезда, а „Хаи“ океан — симболика на бесконечност и на желбата постојано да растеме, да се развиваме и да ја шириме автентичната кинеска култура.
Севернокинески вкусови — природно вклопени во Македонија
Во нашиот ресторан ја претставуваме севернокинеската кујна, позната по своите лути и солени вкусови, кои изненадувачки добро одговараат на македонското поднебје.
Многу гости ни велат дека не очекувале толку природно да ја прифатат кинеската храна, а тоа за нас е една од најубавите потврди дека го правиме вистинското нешто.
Сите зачини и сосови ги увезуваме директно од Кина, а нашето мени е целосно составено од традиционални кинески јадења. Моите лични фаворити се крцкавите специјалитети во луто-слатко-кисел сос, брокулата подготвена во вок и свежите салати. Она што најмногу ме воодушевува е чувството на леснотија по оброкот — и тоа што само по еден час апетитот природно се враќа, што е една од најубавите одлики на кинеската кујна.
Специјалитети што ја раскажуваат својата приказна
Поврзани објави
Меѓу нашите најпознати специјалитети се: крцкаво јунешко во луто-сладко-кисел сос, јунешко со брокула и лукче, пржени пелмени, сладко-кисело-крцкаво пилешко, пилешко во грне, оризови нуделси со ракчиња, суши, како и добро познатите пржен сладолед, колаче со порака и карамелизирани ореви.
Последните години внимателно ги следиме трендовите во кинеската гастрономија и воведуваме многу новитети што гостите навистина ги обожаваат.
Промените што ги забележуваме кај нив — поголема отвореност кон нови вкусови, зачини и зеленчуци — ни даваат дополнителна мотивација секогаш да нудиме нешто ново и автентично.
Традиција одржана од врвните мајстори
Голем дел од нашите гости се Македонци, кои првпат пробале кинеска храна токму кај нас и до ден-денес останале наши верни посетители. Тоа е чест и голема одговорност за нашиот тим, составен од осум професионални кинески готвачи со долгогодишно искуство. Благодарение на нив ја задржуваме автентичноста, традицијата и доследниот квалитет на секое јадење.
Мала Кина во срцето на Скопје
Сметаме дека сме вистински амбасадори на кинеската култура во Македонија. Целиот наш инвентар — од мебел, садови, прибор и декоративни детали — е увезен директно од Кина. Ништо не нè радува повеќе од моментот кога ќе слушнеме дека нашите гости се чувствуваат „како во Кина“, зашто токму тоа е нашата цел: да создадеме мала автентична приказна што ќе ги зближи двете култури.
Четири локации – една филозофија на вкусот
Денес Star Ocean има четири локации: главниот ресторан во Центар и три Fast Food corners – во City Mall, East Gate и Ramstore Mall.
Нашата приказна продолжува со иста љубов, иста посветеност и иста амбиција како првиот ден, со желба вистинскиот вкус на Кина да го доближиме до што поголем број луѓе во Македонија.
Текст и фото: ПР