Објавена „Хомо деус – кратка историја на иднината“ од Јувал Ноа Харари

Кој е следниот предизвик за решавање на агендата на човештвото?

Сензационалното дело на Харари за помалку од две години беше преведено на 50 јазици и продадено во четири милиони примероци

Издавачкиот центар ТРИ во превод на македонски јазик ја објави интригантната „Хомо деус: кратка историја на иднината“ – втората книга на еден од најпознатите современи автори визионери д-р Јувал Ноа Харари.

Се чини дека брилијантната „Сапиенс: кратка историја на човечкиот род“ го доби своето неопходно продолжение: истражување на апокалиптичната, технолошки ориентирана иднина на човештвото. Ако во „Сапиенс“ зборуваше за човековото минато и начинот на кој сме се преобразиле од незначајни мајмуни во владетели на Земјата, во „Хомо деус“ Харари го разгледува основното вознемирувачко прашање: во кој правец ќе се движиме понатаму.

Преку своето препознатливо испреплетување на науката, историјата и филозофијата и со својот единствен стил што воодушеви милиони читатели, авторот констатира дека луѓето успеале да го направат невозможното: да ги победат гладот, заразните болести и војните, да ги претворат неконтролираните сили на природата во предизвици што можат да се контролираат. Кој е следниот предизвик за решавање на агендата на човештвото?

Сензационалното дело на Харари за помалку од две години беше преведено на 50 јазици и продадено во четири милиони примероци. Последната книга на д-р Харари „21 лекција за 21 век“, во која се занимава со нашиот актуелен свет и со глобалните и климатските проблеми – ТРИ ја најавува за почетокот на 2020 година.

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време