Летото е сезоната кога кожата е најизложена на сончевите зраци, па изборот на соодветна заштита претставува еден од најважните чекори во секојдневната рутина за нега. Освен што треба ефикасно да штитат од штетното УВА и УВБ-зрачење, современите кремови за сончање сè почесто се очекува да бидат лесни, немасни и пријатни за носење во текот на целиот ден.
Токму со таа цел е создадена линијата Neutrogena® Ultra Sheer®, која комбинира високо ниво на заштита со ултралесни формули што ѝ овозможуваат на кожата да дише. Благодарение на напредната Helioplex® технологија, заштитниот фактор останува стабилен и ефикасен дури и при повисоки SPF-вредности, обезбедувајќи сигурна и долготрајна заштита од УВА и УВБ-зраците.
Една од најголемите предности на производите од оваа линија е нивната лесна текстура. Кремовите се нанесуваат рамномерно, брзо се впиваат и оставаат мат-завршница, без чувство на тежина или масен слој на кожата. Наместо лепливост и сјај, кожата останува мека, свежа и сува на допир, што ги прави погодни за секојдневна употреба, дури и во најтоплите летни денови.
Без разлика дали денот го минувате во град, покрај базен или на плажа, Neutrogena® Ultra Sheer® нуди сигурна заштита за различни типови кожа и различни животни стилови.
Поврзани објави
Линијата е внимателно осмислена за да одговори на различни потреби, па опфаќа пет категории производи со вграден заштитен фактор: Light Hydration за лесна хидратација, Hydration за интензивно навлажнување, Oil Control за контрола на вишокот себум и мат-ефект, Age Shield за заштита од фотостареење, како и Hydrating Body Lotions, хидратантни лосиони за тело кои истовремено обезбедуваат нега и заштита од сонцето.
Со спојот на напредна технологија, лесни формули и разновидни решенија за секој тип кожа, линијата Neutrogena® Ultra Sheer® претставува практичен избор за сите што сакаат ефикасна сончева заштита без компромис кога станува збор за удобноста и чувството на кожата.
Текст и фото: ПР