Она што е карактеристично за NOT A PERFUME е дека мириса различно на секого
Not a Perfume е парфем кој во 2010 година го донесе своето амбициозно и смело видување во светот на класичната парфимерија. Создаден да се истакне и да го освои вниманието на клиентите, тој петнаесет години подоцна сѐ уште е симбол на иновација и љубов кон уникатните мириси.
„Името Not a Perfume навистина предизвика чудење кога првпат почнав да зборувам за него! На почетокот имаше одредена воздржаност кај луѓето со кои го дискутирав. Неконвенционалниот пристап во индустријата за парфеми укажуваше на тоа дека тоа не треба да се направи во тој момент. И не ги обвинувам!
Користење само една состојка во свет навикнат на „пирамидална“ структура. Суштината на неговиот молекуларен состав во споредба со опширната палета на природни суровини. Подтекстот на неговото име, кој стои спроти раскошната комплексност на другите. Мора да сум бил луд. А оние што ме познаваат, знаат дека сум прилично тврдоглав и дека имав интуиција за оваа идеја. Тогаш решив да го направам тоа, без разлика на отпорот што го добивав.
Откако се појави на пазарот, многу брзо стана неизбежен избор за парфимериите, затоа што беше обожуван од потрошувачите и љубителите на парфеми. Верувам дека Not a Perfume не успеа само поради смелото име и формула. Кога ќе се навратам назад, можам да го објаснам успехот токму преку таа дрскост и храброст. Тоа можеби ги натера клиентите да проверат за што се крева толкава врева, но она што навистина ја направи разликата беше моментот кога ќе го испрскаа на кожа.
Колку комплименти добиваше, како им прилегаше на многу типови кожа и создаваше природен ефект – како вашата кожа, но подобра – тоа е јасно причината поради која им се допадна.
Во 2010 година, Not a Perfume донесе поинаква перспектива и нова дискусија на масата на парфимерите — пристап кој нудеше нов поглед кон класичната парфимерија. Создаден беше за да се истакне, а за да ги освои срцата и умот на клиентите, мораше навистина да ги исполни своите ветувања.
Во 2010 се произведени 2500 шишиња. Во 2024, некој купува едно шише на секои 70 секунди… Она што го прави уникатен е фактот дека, без разлика колку луѓе го носат, тој мириса поинаку на секоја личност. Постои нешто силно зад Not a Perfume. Тоа е мирис поткрепен од илјадници луѓе кои го носат секој ден ширум светот. Немаше да трае толку долго ако љубовта кон него не продолжеше да расте.
Поврзани објави
Името на производот е многу разиграно и незаборавно. Лесно се памти и веројатно помага да се разбуди дел од неговата привлечност. Додава елемент на љубопитност. Луѓето доаѓаат во продавници за парфеми барајќи NOT A PERFUME !
Уште еден забавен дел од името е мистеријата што ја создава кога зборувате за него:
Прашање: Кој парфем го носиш?
Одговор: Not a perfume.
На што љубопитниот ум ќе праша: „Што сакаш да кажеш?“ И токму тогаш клиентот станува негов најдобар амбасадор. Постојан, но срамежлив ум ќе се задржи на тоа што направило да мирисате толку убаво, и ќе зажали што не го поставил прашањето кое му ја мачи мислата.
Ништо и сѐ истовремено. NOT A PERFUME има еден вид транспарентен, мошусен, амбров, благо анималистички, нежен, чист и малку сладок мирис. Но она што е карактеристично за NOT A PERFUME е дека мириса различно на секого. Мора да се нанесе на кожа, затоа што Not a Perfume е повеќе ефект отколку класичен парфем.
Бидејќи Cetalox ги засилува нотите што го опкружуваат, токму тоа го прави Not a Perfume кога ќе го нанесете – го засилува природниот мирис на вашата кожа. Знаете оној чист, свеж и утешен мирис на кожа? Тоа е Not a Perfume. Замислете ги феромоните како „раздивени“. Кожа, но подобра.“ –
Romano Ricci, креатор на парфемскиот бренд Juliette Has a Gun.