Божиновски ја продолжи традицијата на филмскиот фестивал Браќа Манаки – Дијаманти за дијамантите на филмската уметност
Целта е како што велат од Божиновски, радоста кон фестивалот да се врати кај битолчани, да го живеат и да бидат горди што се дел од ова случување
Божиновски часовници и накит ја продолжи традицијата на доделување на наградата „Дијаманти на кинематографијата“, во склоп на фестивалот „Браќа Манаки“. Оваа година дијамантите ќе заблескаат во рацете на годинешните лауреати; композиторката Џозелин Пук и австрискиот кинематограф Кристијан Бергер.
Врачувањето на наградата со оглед на ситуацијата се случи во интимна атмосфера во просториите на „Божиновски часовници и накит“ на Широк Сокак во Битола.
Поврзани објави
„Што може повеќе да кажеме за двајцата добитници, од тоа што за нив го зборуваат нивните ремек дела, може само да ни биде чест што Битола, а со тоа и Божиновски часовници и накит е дел светската филмска кинематографија. Фестивалот Манаки е најголемиот дијамант кој Битола го има како град, треба да го брусиме да го негуваме, да го живееме и од година во година да го правиме се посјаен“
Оваа година Божиновски часовници и накит како долгогодишен партнер на фестивалот се впушти во позначајна авантура, ангажирајќи го целиот човечки и креативен потенцијал на компанијата со цел да ја збогати OFF програмата на фестивалот. Целта е како што велат од Божиновски, радоста кон фестивалот да се врати кај битолчани, да го живеат и да бидат горди што се дел од ова случување.
Наградата „дијаманти на лауреатите“ која традиционално се доделува веќе четири години, досега ја имаат добиено преку 15 звучни имиња од светот на кинематографијата, како американскиот кинематограф и режисер Едвард Лахман, грчкиот кинематограф Јоргос Арванитис, германскиот режисер и продуцент Фатих Акин, шпанскиот кинематограф Хосе Луис Алкаине и др. меѓу кои и нашиот а светски Милчо Манчевски.