Стилски техники кои визуелно ќе го сокријат вишокот на килограми
Облеката може дополнително да додаде неколку килограми или успешно да ги скрие недостатоците.
За втората опција подобро да функционира, мора да ја познавате својата фигура, правилно да работите со пропорциите и да користите стилски техники кои буквално ќе го скријат сето она кое сакате да го скриете.
Во продолжение ви претставуваме 5 методи кои би требало да ги земете предвид при креирање на стајлинг.
V-изрез
Оваа техника исто така делува на принципот на вертикала. V-изрезот визуелно го издолжува вратот, ги урамнотежува широките рамена и ја издолжува силуетата. Покрај тоа, ваквиот стил го нагласува и убавото деколте.
https://www.instagram.com/p/CB8C7MjBfI3/?utm_source=ig_embed
Панталони со висок струк
Ако целта ви е да скриете неколку вишок килограми, одберете панталони со висок струк од големиот број актуелни стилови. Оваа техника делува ефикасно за било кој тип на тело. Важен детаљ: панталоните треба да бидат долги и делумно или во целост да ги покриваат чевлите – оваа техника, помеѓу останатото, визуелно ги продолжува нозете.
https://www.instagram.com/p/B23kQUlhou0/?utm_source=ig_embed
“Wrap” фустан
Овој модел на фустан е исто така одличен за било кој тип на фигура и визуелно нè прави повитки. Бирајте фустани со геометриски дезени во облик на вертикални или дијагонални линии по истиот принцип. Важно е фустанот да го истакнува струкот и слободно да “паѓа” покрај колковите.
https://www.instagram.com/p/CCI1tXeo1lI/?utm_source=ig_embed
Панталони со широки ногавици
Панталоните со широки ногавици или попознати како “ѕвонарки” ги прават нозете бесконечно долги, додавајќи висина и визуелно отстранувајќи го вишокот волумен на колковите. Стајлингот додава женственост и решава неколку проблеми одеднаш. Едно предупредување: панталоните е подобро да се комбинираат со чевли со висока потпетица или масивен дебел ѓон.
https://www.instagram.com/p/CB-T4-gBNOU/?utm_source=ig_embed
Еднобојна облека
Парчињата облека со исти нијанси создаваат вертикала во бојата која визуелно ја “растегнува” фигурата и ја прави витка. За стајлингот во една палета да не изгледа здодевно, дајте им предност на светлите наместо основните тонови, поиграјте си со текстурите и материјалите и дополнете го изгледот со модни акцесоари во контрастни бои.
https://www.instagram.com/p/BxhDDmJHDnW/?utm_source=ig_embed