Модна пресметка на данската принцеза и холандската кралица – и двете блескаа во совршени црни фустани кои секогаш се во тренд (ФОТО)

Што велите вие - чие издание ви остави подобар впечаток?

Најдобро облечените благороднички во Европа – очи в очи!

Данската принцеза Мери и нејзиниот сопруг принцот Фредерик моментално се во официјална посета на Холандија, а парот во понеделникот присуствуваше на гала-вечера во Харлем, организирана од холандскиот крал Вилем-Александар и неговата сопруга Максима.

Со оглед на тоа што кралицата Максима и принцезата Мери важат за едни од најдобро облечените жени во Европа, љубителите на модата внимателно ја следеа средбата на овие две стилски икони и очекувано, нивните комбинации набрзо станаа предмет на многубројни коментари.

И двете дами блескаа во црно од глава до петици, а бидејќи се врснички – и двете наполнија 50 години – овој моден дуел е навистина повеќе од интересен.

Принцезата Мери се одлучи за ефикасен, интересен црн фустан со средна должина и ласкав тул во А-крој со зашиени тродимензионални панделки по целата должина, а особено заводлив детаљ беше проѕирниот материјал, кој ја истакна сензуалната линија на рамениците.

Данката го комплетира фустанот со прекрасни, дијамантски обетки и ефектни, жолти чевли со украсна, светкава тока, а кога е фризурата во прашање, се одлучи за празнична, ниска пунџа.

Холандската кралица избра нешто поедноставна, но еднакво ефикасна комбинација – црн фустан до колена и голи раменици, сошиен од квалитетен материјал, кој се прилепува до женската фигура и прекрасно ја обликува.

Целиот стајлинг го надополнила со класични црни салонки од превртена кожа, писмо-чанта и елегантен бисерен ѓердан и дијамантска шнола.

 

View this post on Instagram

 

A post shared by @royally_yourz

Што велите вие – чие издание ви остави подобар впечаток?

 

Фото: Инстаграм

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време