Дознајте кои нијанси може да направат да изгледате постаро
Како што се менува лицето со текот на годините, така се менува и начинот на кој одредени бои ѝ прилегаат на кожата. Нијансите што некогаш го освежувале тенот може да почнат да прават да изгледа уморно, да ги нагласуваат брчките или да ја истакнуваат пигментацијата. Затоа, стилистите издвојуваат неколку бои што жените не би требало да ги носат често по 50-тата година – особено не во близина на лицето.
Остра црна
Црната е безвременска, но и многу контрастна. Токму тој контраст може да ја истакне секоја линија на лицето, да ги продлабочи сенките и да ги нагласи подочниците. Кога се носи без детали што ја ублажуваат, често создава построг и постар изглед.
Бела
Снежнобелата може да изгледа чисто и софистицирано, но на зрела кожа често прави преголем контраст. Така, дополнително ги истакнува брчките и неизедначениот тен, особено ако кожата го изгубила природниот сјај.
Бледи пастелни нијанси
Бледорозовата, светлосината или лаванда може да изгледаат нежно, но често го прават лицето безизразно. Наместо да го освежат тенот, овие бои може да ги нагласат флеките и заморот.
Интензивни и „киселкави“ бои
Поврзани објави
Лимон жолта, неон зелена или интензивна портокалова се бои што привлекуваат внимание, но не на вистинскиот начин. Овие нијанси може да го засилат жолтеникавиот или сивкавиот тон на кожата и да го направат лицето да изгледа поуморно одошто е.
Неонски бои
Неонските нијанси изгледаат модерно, но многу се комплицирани. Поради својот интензитет, ја нагласуваат текстурата на кожата, вклучувајќи ги брчките и ситните линии – и можат да создадат ефект на „пренагласен“ изглед.
Беж и сива без контрасти
Неутралните бои, како беж и сива, може да бидат елегантни, но ако се премногу бледи и без контрасти, се претопуваат со тенот и прават лицето да изгледа уморно и старо.
Која е суштината?
Проблемот не е во годините, туку во тоа како боите влијаат врз лицето. По 50-тата година:
- прејаките бои ги нагласуваат брчките
- пресветлите бои го „гасат“ тенот
- погрешниот подтон ги нагласува флеките и неправилностите