Засекогаш… џинс! Трендови 2018

Водечки моден тренд

И оваа сезона, фармерките се еден од водечките трендови. Се носат во сите можни облици, а доминираат моделите со извезени цветови, искинати рабови, па и кратки модели. Како да ги комбинирате, прочитајте во продолжение…

„Мамини“ фармерки

Овој модел фармерки високи во половината и со рамен крој се нарекува популарно „mom jeans“ затоа што го носеле нашите мајки во 1980-тите и во 1990-тите години. Денес, трендсетерките ги комбинираат фармерките со едноставни маици, долги туники или со лежерни кошули. Одлично прилегаат со сите модели на чевли – од кратки чизмички, преку патики, до сандали со висока потпетица.

Извезени фармерки

Везот е особено интересен детаљ на фармерките оваа сезона, мотивите главно се врзани за флората и за фауната, а за тоа најмногу е заслужен креативниот директор на „Гучи“, Алесандро Мишел, кој го популаризира овој тренд.

Искинати фармерки

Актуелен тренд се и фармерки со искинати и разресени рабови. Доаѓаат во неправилни облици или, пак, правилно исечени со реси чија ткаенина поминува преку зглобовите стапалото. Совршено одговараат со кратки чизмички, но и со разни модели на сандали.

Висока половина

Овој модел фармерки е најпопуларен досега. Овозможува големи можности за комбинирање, а особено радува фактот што одлично се согласува со сите модели на чевли. Добро изгледа во вечерна комбинација со високи потпетици, а преку ден можете да ги носите со лежерна маица во комбинација со мокасини или со патики.

Кратки фармерки

Заборавете на долгите фармерки и избирајте модели исечени над зглобот на стапалото. Трендсетерките ги комбинираат со лежерни блузи или кошули, а главно се одлучуваат за патики и за сандали кога станува збор за обувките.

Текст: М. Медичи

Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време