Како ви се допаѓа нејзиниот стајлинг?
Нашата инфлуенсерка Марис Џолин веќе некое време живее во Стокхолм. Во едно претходно интервју ни откри дека уличната мода таму претежно е ориентирана околу неутралните бои и монохроматските комбинации, па на почетокот се чувствувала како премногу да отскокнува со својот колоритен и еклектичен стил на облекување.
Денес, на социјалните мрежи сподели една токму таква комбинација, која на прв поглед на многумина ќе им изгледа чудно бидејќи сè уште е лето, но со оглед на тоа што во Шведска температурите се многу пониски, ние би рекле дека изборот на Марис е сосема оправдан.
Поврзани објави
Имено, ѕвездата на стајлингот на нашата инфлуенсерка е интензивно син крзнен шал, кој го искомбинирала со предимензионирано сако, ѕвонести фармерки со висок струк, крзнена бордо чанта и патики во истата боја како чантата. Целата комбинација ја надополнила и со интересни очила за сонце со синџирче.
Се чини дека Марис секогаш успева да најде начин да внесе малку боја во скандинавското секојдневје!
ФОТО: Инстаграм