Вака се облекуваат Французинките наесен: Тие знаат најдобро!
Слободно можете да ги копирате
Овие 8 парчиња ги носат речиси секојдневно
Стилот на парижанките е еден од најпопуларните и најдобрите избори ако сакате да ископирате некого – тие едноставно знаат најдобро и иако не се препорачува да копирате нечиј стил, кога станува збор за Французинките, слободно можете да го направите тоа.
Тие се вистински експертки за комбинирање стил и удобност, љубителки се на едноставноста и елеганцијата, без комплицирање, и токму затоа нивниот стил на облекување е број еден.
Еве кои парчиња ги носат тие наесен за секогаш да изгледаат шик и отмено!
1. Блузи со линии
https://www.instagram.com/p/CEi-N0Ul-We/?utm_source=ig_embed
Маицата со линии можеби ви делува како клише, но блузата со препознатлив дезен доволно е моќна за да ја подигне секоја комбинација на повисоко, поотмено ниво. Најдобро е да ја комбинирате со класични парчиња, како панталони и едноставен мантил.
2. Тренч-капут
https://www.instagram.com/p/CFO_etYhhyf/?utm_source=ig_embed
Секоја парижанка има барем еден и одличен е за да се носи на почетокот на есента и во текот на мрачните врнежливи денови.
3. Цевка-панталони
https://www.instagram.com/p/CEHilFVDovu/?utm_source=ig_embed
Идеални се за сите пригоди, од одење на работа до вечерно излегување и затоа им се омилени на Французинката, а притоа изгледаат исклучително скапо и отмено.
4, Мокасини
https://www.instagram.com/p/CCM1aNHhMmX/?utm_source=ig_embed
Удобен пар обувки совршени за есенските денови кога времето повеќе не дозволува сандали, а сè уште не е толку ладно за да носиме чизми. Французинките не подлегнуваат на актуелните трендови – тие знаат дека парот квалитетни, кожени мокасини со едноставен изглед, евентуално со некој дискретен украс, секогаш се полн погодок, бидејќи изгледаат елегантно, а се вклопуваат во секоја модна комбинација.
5. Беретка
https://www.instagram.com/p/CFPDJhQIkYr/?utm_source=ig_embed
Ова симпатично капче е еден од синонимите за вистински француски шик. Никогаш не излегува од мода и совршен детаљ е кога сакате да ви биде топло, а истовремено да изгледате модерно и отмено.
6. Класична кожена чанта
https://www.instagram.com/p/CFMqhqWKyd-/?utm_source=ig_embed
Трендовите и сезоните доаѓаат и си заминуваат, но Французинките речиси слепо се придржуваат до класиците кога станува збор за чанта. Класична црна или кафена кожена чанта е еден од основните завршни парчиња кои парижанките ги вклопуваат во речиси секоја можна комбинација.
7. Очила за сонце
https://www.instagram.com/p/CFAKgmaphUF/?utm_source=ig_embed
Летото можеби заврши, но тоа не значи дека треба да ги одложите очилата за сонце до пролетта. Французинките ги носат бидејќи со вистинскиот избор на модел, секогаш изгледаат софистицирано, а притоа им помагаат да го сокријат трагите од непроспиените или лудите ноќи.
8. Ролка
https://www.instagram.com/p/B8elia_JjD5/?utm_source=ig_embed
Нема поубаво и попрактично модно парче од црната ролка. Се комбинира лесно со сите можни парчиња, од здолништа во весела боја до фармерки и класични панталони, а соодветна е за секоја пригода. Освен црна, пожелни се и други неутрални бои, како бела, беж и пудра-розова.