Погледнете кои се омилените комбинации на Нина за различни пригоди
Модна листа на младата дама со беспрекорен стил – Нина Јусуфи (@majchinadushica).
БЕБЕШКО СИНА ЕЛЕГАНЦИЈА
За посвечена прослава, елегантниот изглед секогаш е модерен. Мојот избор е бебешко сина бунда, со класични панталони во иста боја, комбинирани со мала уникатна чантичка. Предлагам нежна нуд-шминка и едноставна фризура со суптилен сребрен накит.
ЗИМСКИ КОНТРАСТ
Кога станува збор за дневни комбинации за прошетка или кафе, најважно ми е да се чувствувам удобно и притоа да изгледам урбано, па, така, честопати комбинирам добар дуксер, со широки фармерки boyfriend, чизмички и палто во контрастна боја за повпечатлив ефект.
МОЌНО ПАЛТО
Од омилени капути, сезонава го издвојувам моделот military. Поради големите јаки и моќниот изглед, овој капут е доволно ефективен сам по себе, па затоа најчесто го комбинирам со едноставна облека и ракавици.
ВО ЧЕКОР СО НИНА
Чизмичките што мора да ги имате оваа сезона се едноставни црни, со уникатен детаљ: потпетици со змиски дезен. Може да се комбинираат и за вечерен и за дневен изглед!
ШИК ФИНИШ
Модните додатоци се неизоставен дел од секоја модна комбинација за шик изглед. Издвојте се од толпата со црна баретка и очила за сонце со мачешка форма, во комбинација со добар часовник или кожени ракавици.
Подготвила: Марија Лукаревска
ФОТО: Приватна архива