Совршена боја и провокативен крој: Кралицата Летиција во фустан што се закопчува само со едно копче
Погледнете
Првата дама на Шпанија оправдано ја заслужила титулата модна икона
Кралицата Летиција и во новата година продолжи да нè радува со одлични стајлинзи. Овој пат, сопругата на Филип Шести облекла еднобоен фустан, одбирајќи навистина кралска нијанса – ројал сина.
Кралицата и нејзиниот сопруг се појавиле на традиционалниот годишен прием на дипломатскиот кор во Шпанија. Настанот се одржал во кралската палата во Мадрид. Летиција носела фустан долг до подот со долги ракави и прорез кој бил прицврстен само со едно копче.
Шпанската кралица ја стилизирала косата во елегантна фризура, која не само што одлично се вклопува во оваа пригода, туку одлично оди и со нејзината кралска облека. Сините чевли од плиш на Нина Ричи совршено го надополниле изгледот на кралицата.
Летиција со право проценила дека на нејзиниот стајлинг нема да му требаат модни додатоци.