Овој модел на здолниште ќе биде најголем хит во 2022: Провокативно, секси, но и елегантно!
Топ-парчиња
Транспарентноста, заводливите прорези и фетишистичката естетика на модните парчиња повторно се актуелни на модната сцена, за што доволно сведочат претстојните колекции со потпис на реномирани дизајнерски брендови
Како и во текот на изминатите месеци, модниот свет и во новата календарска година не се откажува од стилот на облекување инспириран од трендовите од почетокот на милениумот.
Доволен доказ за тоа се претстојните дизајнерски колекции со кои се најавува враќањето на одредени парчиња, како што се фармерките со низок струк, но и здолништата.
Бројни дизајнерски брендови им посветија големо внимание токму на здолништата во колекциите за сезоната пролет/лето, а според нив, месеците што ни следуваат, ќе бидат и тоа како шаренолики.
View this post on Instagram
Свесни за популарноста на трендовите што доминираа на модната сцена во 1990-тите и на почетокот на милениумот, брендовите како италијанската куќа „Версаче“ во своите идни колекции нудат низа здолништа инспирирани од наведениот период. Провокативните прорези и кројот што ги открива колковите, се присутни како во случај на фустаните и фармерките, така и во случај на здолништата.
View this post on Instagram
Асиметричните верзии на здолништата станаа новиот стандард на модната сцена. Во својата идна колекција, брендот „Алтузара“ претстави тај-дај здолништа со боемска естетика, а трендот на прорезите се проширил и на фустаните.