Нежна ќерка и огнена сопруга: Дамите на Трамп повторно доминирале на британскиот двор!
Втор ден од официјалната посета на Лондон
Погледнете како се облекле најпознатите модни икони
Вториот ден од посетата на американскиот претседателски пар во Лондон почнал со состанок со британската премиерка Тереза Меј, за подоцна да продолжи во духот на опуштено, пријателско дружење со Трамп и членовите на британското кралско семејство.
Принц Чарлс, Доналд Трамп и американскиот амбасадор во Лондон се повлекле во посебна одаја, додека Меланија, Камила Паркер и сопругата на амбасадорот пријатно муабетеле во салонот и им позирале на фотографите.
Како што можевме да претпоставиме, првата дама на Америка заблескала во полн сјај и направила уште еден моден погодок во низата.
Имено, за дружбата со благородништвото одбрала долг црвен фустан со потпис на модната куќа Живанши, вреден околу 7.000 долари.
Под скапиот материјал на тоалетата ѕиркале шпицевите на омилениот модел на чевли на Меланија Трамп – салонки со висока, тенка потпетица, исто така во црвена боја.
Поврзани објави
Подоцна, сите се собрале на свечена вечера, на која присуствувала и Иванка Трамп. Позната по префинетиот стил во кој доминираат нежни нијанси, познатата русокоса вторпат за време на посетата на Лондон одбрала бело од глава до пети и блеснала.
https://www.instagram.com/p/ByThv1qhjCn/?utm_source=ig_embed
„Првата ќерка на Америка“ облекла долг бел елегантен фустан на едно рамо со светкав брош, со кој понела бели салонки, исто така украсени со кристали.
Пред тоа, за состанокот со Тереза Меј облекла исто така бел фустан, но овој пат со животински дезен, проѕирни ракави и голема панделка околу вратот.
Ви се допаѓаат вчерашните модни комбинации на дамите на Трамп?