Откако пред неколку дена го облекла Меган Маркл, неговата побарувачка скокнала за повеќе од 200%
Белите ленени фустани се моден класик, кој никогаш нема да излезе од мода, а откако во еден таков неодамна се појави Меган Маркл, според податоците на модната платформа Lyst, нивната побарувачка скокнала дури за 233%!
Со миди ленениот фустан обула балетанки од американскиот бренд Sam Edelman кои исто така се пробиле високо на листата на најбарани модни парчиња, како и сламениот шешир на Џенис Леоне, кој го носела во таа пригода.
Ленот е идеален материјал за летно време, пријатен е и прозрачен. Во облека од лен кожата дише, бидејќи тоа е природен материјал, што значи дека помалку се потиме во него. Фустаните од лен, па уште и во бела боја која помалку привлекува сонце, налето се наметнуваат како совршен избор.
https://www.instagram.com/p/CC2DqBQAlOB/?utm_source=ig_embed
Единствената мана е тоа што ленот лесно се гужва, но и тоа ќе продолжиме да го гледаме како дел од неговиот шарм. Ленот и не треба да биде совршено испеглан, а кога е малку истуткан, помек е и понежен за кожата и е попријатен за носење.