Не ви треба полн гардеробер за да изгледате стилски! Оваа едноставна комбинација може да биде лежерна, елегантна, женствена и заводлива – а овие трикови ќе ви помогнат секогаш да ја погодите вистинската комбинација.
Понекогаш најдобрите модни комбинации се и наједноставни. Доказ за тоа е формулата фармерки + топ, која повторно е меѓу највпечатливите избори за летните денови. Популарниот рил „Jeans & Top Guide“ покажува колку различно може да изгледа оваа комбинација само со промена на кројот, материјалот, обувките или модните додатоци.
А најдобрата вест е што веројатно веќе ги имате потребните парчиња во гардероберот.
Широки фармерки + краток топ
Широките фармерки се одлична основа за современ и опуштен изглед. Со краток топ создавате визуелен баланс и ја нагласувате половината.
За дневна комбинација, надополнете го изгледот со патики и мала чанта, а доколку сакате поелегантна варијанта, изберете сандали со потпетица и впечатлив накит.
Фармерки со висок струк + топ со откриени рамена
Оваа комбинација е одличен избор ако сакате да внесете женствена и романтична нота во летниот изглед.
Фармерките со висок струк ја нагласуваат силуетата, додека топот со откриени рамена додава доза елеганција.
Златниот накит и малата чанта ќе ја заокружат комбинацијата.
Класични сини фармерки + бел топ
Некои комбинации едноставно не излегуваат од мода.
Класичните сини фармерки и белиот топ се совршена основа за безброј различни стајлинзи.
Со рамни сандали ќе добиете опуштен дневен изглед, со мокасини – пософистицирана комбинација, а со високи потпетици – одличен избор за вечерно излегување.
Црни фармерки + топ во впечатлива боја
Сакате бојата да биде главната ѕвезда на вашиот изглед?
Тогаш оставете ги фармерките во црна боја, а изберете топ во впечатлива нијанса.
Црвената, розовата, жолтата или некоја друга силна боја веднаш ќе го освежи изгледот и ќе привлече внимание.
Фармерки + корсет-топ
Корсет-топот е одличен начин на секојдневната комбинација да ѝ дадете пософистицирана и женствена нота.
Со фармерки создава интересен контраст меѓу лежерниот и елегантниот стил.
Поврзани објави
За вечерно излегување, додадете впечатливи обетки, мала чанта и сандали со потпетица.
Фармерки со низок струк + топ
Ако сакате да ги следите актуелните трендови, можете да изберете фармерки со низок струк.
Со едноставен топ и минималистички модни додатоци ќе добиете модерен и младешки изглед.
Сепак, не заборавајте: трендот не треба да биде поважен од вашата удобност. Изберете крој во кој се чувствувате добро.
Асиметричен топ + класични фармерки
Понекогаш е доволен само еден интересен детаљ за целата комбинација да изгледа поинаку.
Асиметричниот топ веднаш внесува динамика и современ изглед, додека класичните фармерки ја задржуваат лежерната нота.
Ова е одличен избор кога сакате да изгледате впечатливо без да претерате.
Накитот е тајната состојка
И наједноставната комбинација може да изгледа сосема поинаку со вистинските модни додатоци.
Со едноставен топ можете да носите слоевити ланчиња, додека впечатливите обетки се одличен избор кога сакате акцентот да биде на лицето.
Само внимавајте да не претерате со сите детали истовремено.
View this post on Instagram
Една формула, безброј комбинации
Токму во тоа е магијата на комбинацијата фармерки + топ. Со само две основни парчиња можете да создадете изглед за кафе со пријателките, прошетка, ручек, вечера или летна забава. Сменете го топот, додајте различни обувки, поиграјте си со накитот и чантата – и добивате сосема нов стајлинг.
Затоа, следниот пат кога ќе застанете пред преполниот гардеробер и ќе си кажете „немам што да облечам“, сетете се на наједноставната модна формула: фармерки + топ = комбинација со која тешко можете да згрешите.
Текст: Убавина и здравје
Видео: Инстаграм