Лежерно и шик: Кејт Мидлтон во комбинација што можеме да ја ископираме и да ја носиме секој ден!

Кејт Мидлтон ретко може да се види во лежерни комбинации како денешната. Војвотката од Кембриџ го посетила Лондонскиот национален историски музеј, а за таа пригода облекла шик-комбинација што модните критичари ја оцениле позитивно.

Сако во боја на лосос, бела обична маица и фармерки со рамен крој во комбинација со бели патики бил нејзиниот избор за посетата на музејот, а Кејт како и секогаш, кралската должност ја извршила со насмевка на лицето.

Она што на многумина им паднало в очи е сакото од брендот „Клои“ што Кејт го одбрала за оваа пригода, а неговата цена изнесува вртоглави 2.500 американски долари.

Од накит понела едноставен златен ѓердан со медалјон и популарни златни белегзии. Овој стајлинг модните експерти го оцениле со петка, а нам може да ни послужи како своевидна инспирација за секојдневно облекување.

Како ви се допаѓа стајлингот на убавата идна кралица?

Тегет од глава до петици: Кејт Мидлтон уште еднаш воодушевила со оваа комбинација!