Кејт Мидлтон блесна во еднобојно издание, а принцот Вилијам не можеше да го тргне погледот од неа (ФОТО)

Кејт Мидлтон ја почна новата иницијатива Shaping Us во Лондон во зградата на познатата организација БАФТА. Таа се претстави во беспрекорно монохроматско издание и потврди дека костумите се нејзиното омилено парче облека оваа сезона.

Принцезата од Велс избра костум на Александар Меквин – сакото чини 1.790 фунти, а панталоните 690 фунти. Вкупно, и во наша валута, доаѓаме до бројка од околу 165.000 денари.

Принцезата се одлучи за чанта Miu Miu која чини 895 долари и салонки од Жанвито Роси, кои чинат 630 долари. За разлика од костумот, Кејт овие парчиња ги носеше во јавност и претходно.

Истото важи и за обетките Chalk jewerly од 70 фунти.

Поддршката за раниот развој на децата, во првите години од животот, Кејт ја нарече животно дело. Во својот говор, таа напомена дека социјалните и емоционалните потреби на децата се исто толку важни како и физичките и когнитивните потреби.