Марамата повторно е хит, завиткана во триаголник и врзана на рамно исфенирана коса – пробајте и нема да се покаете
Пред само неколку години марамите можеа да се видат речиси исклучиво на стари фотографии, но денес повторно се неизоставен дел од гардеробата на љубителите на модата. Уште подобро, нивното комбинирање никогаш не било полесно. Доволно е да погледнете како ги носат светските модни ѕвезди и инспирацијата е загарантирана.
Секоја летна сезона носи десетици впечатливи модни додатоци кои накратко стануваат хит, а потоа исчезнуваат од модната сцена. Но, некои трендови по неколку години се враќаат посилни од кога било и повторно стануваат омилени кај милиони љубители на стилот. Токму таква е приказната со марамата – аксесоарот што многумина го паметат од почетокот на 2000-тите денес повторно е еден од најпосакуваните модни детали. Освен на плажа и на одмор, таа сè почесто се носи и како дел од секојдневните градски комбинации.
Во последните години дизајнерите и модните ентузијасти сè повеќе се инспирираат од естетиката на 2000-тите, па не е изненадување што марамите повторно се вратија во фокусот. Најчесто се превиткуваат во триаголник и се врзуваат преку пуштена коса, создавајќи лежерен, летен изглед со доза на ретро-шарм. Иако е едноставен моден додаток, марамата лесно додава боја, го нагласува посакуваниот стил или ѝ дава нова свежина и на наједноставната комбинација. Не е чудо што токму овој аксесоар е неизоставен во гардеробата на најголемите модни икони за летото 2026. Тие ја комбинираат со фармерки и едноставни топови, костими за капење, фустани, па дури и со елегантни костуми.
Дуа Липа
View this post on Instagram
Дуа Липа отсекогаш била љубителка на модата од 2000-тите, па не е изненадување што марамата е еден од нејзините омилени летни додатоци. Пејачката ја носи на различни начини. За време на медениот месец избра минималистичка комбинација составена од бел тесен топ и фармерки со висок струк, надополнета со светлосина марама. Токму овој детаљ му дава суптилен винтиџ-печат на изгледот, додека фотографијата, направена во луксузна хотелска соба со шолја кафе и книга во рацете, совршено ја доловува атмосферата на безгрижен одмор. Резултатот е стил кој еднакво добро функционира и за градските прошетки.
View this post on Instagram
Но, Дуа не се плаши ниту од впечатливи модни комбинации. На плажа носела металик златно-маслинесто бикини, комбинирано со темна бандана со пејсли дезен, повеќеслојни златни синџирчиња и голем приврзок. Во една градска комбинација, пак, црвената бандана ја усогласила со предимензионирана бомбер-јакна, широки фармерки, бела кошула, масивни чизми и ремен со леопардов принт.
Поврзани објави
Хејли Бибер
View this post on Instagram
Додека многу познати личности ја користат марамата како впечатлив моден акцент, Хејли Бибер останува верна на нејзината практична намена. Таа ја носи за да ги заштити косата и главата од сонцето. Неодамна моделот сподели фотографија покрај океанот, каде позира во зелено бикини со тенки прерамки и виолетова марама со класичен пејсли мотив. Врзана преку влажната коса и без дополнителни впечатливи аксесоари, комбинацијата совршено го доловува минималистичкиот стил за на плажа.
Ким Кардашијан
View this post on Instagram
Ким Кардашијан исто така покажа дека марамата не мора да биде дел од комплициран стајлинг за да остави впечаток. Таа ја искомбинира со едноставни модни парчиња, докажувајќи дека токму ваквиот аксесоар може да ја подигне и најминималистичката комбинација на ново ниво.
Џиџи Хадид
View this post on Instagram
Џиџи Хадид избрала лежерен летен изглед, комбинирајќи ја марамата со шорцеви, маица без ракави и тесни очила за сонце. Едноставен, практичен и лесен за копирање, овој стајлинг е идеален избор за топлите летни денови.
ФОТО: ИНСТАГРАМ