Храбро издание за романтична вечера со свршеникот: Џеј Ло во џинс од глава до петици!
Интересен стајлинг
Славната актерка и пејачка носела тексас-парчиња кои никогаш не излегуваат од мода, но спаѓаат во најризичните модни потези
Џенифер Лопез (50) била фотографирана на улиците во Њујорк со свршеникот Алекс Родригез (45) додека оделе на романтична вечера.
Парот отишол во еден популарен ресторан на Менхетн, а модната комбинација што Џеј Ло ја облекла за оваа пригода го привлекла вниманието на минувачите и на дежурните фоторепортери.
Актерката и пејачката во сите пригоди се труди да ја нагласи својата фигура на песочен часовник, што и овој пат било случајот, па се појавила во џинс-парчиња од глава до пети.
Поврзани објави
Во тесни припиени фармерки, тексас маичка и класична јакничка со потпис на американскиот бренд „Левис“, Џенифер не го испуштала од рака својот партнер.
Изданието го заокружила со високи потпетици и чанта направена од различни тексас-материјали.