Фустанот во којшто ќе посакате да го поминете цело лето: Во овој модел секоја жена изгледа како милион долари!
Тренд што ќе го обожавате
Удобен, модерен и стои феноменално
Секое лето ни носи некои нови, смели трендови, кога станува збор за фустаните. Минатата година тоа беа мини-фустаните со „паф“ ракави, а оваа, во гардероберот на секоја модерна жена мора да се најде краток, тесен фустан со тенки прерамки.
Овој фустан често ќе го гледаме во текот на наредната сезона, а причината е повеќе од очигледна. Може да се носи во безброј пригоди и на многу начини, а во него ќе се чувствувате, но и ќе изгледате феноменално.
View this post on Instagram
Причината зошто толку брзо ги освои срцата на жените ширум светот е што може да се носи од утро до мрак, токму поради својот едноставен дизајн, претставувајќи многу приспособливо и истовремено многу ефектно модно парче.
Популарниот модел на фустан неодоливо потсетува на фустаните какви што носеле актерките Џејн Биркин или Брижит Бардо, со рамни сандали, бујна коса и, секако, мала чантичка како неизоставен моден додаток.
А-линијата и мини-кројот го прават идеален фустан за сите типови силуети, а тенките прерамки и рамниот изрез му даваат ретро призвук од 1970-те.
Може да се носи во комбинација со високи потпетици за вечерни излегувања, но и со патики и класична маица за дневни варијанти.