Сè ќе ви биде јасно: 25 прашања што ја откриваат состојбата на вашата врска или брак

Терапевтот Џани Адамо состави список од 25 прашања што можат да ја откријат вистинската состојба на вашата љубовна врска. Прашањата се поделени во пет основни категории важни за иднината на секоја љубовна врска – чувства, потреби, комуникација, вредности и иднина.

Адамо советува со помош на овој тест да ја преиспитаме нашата сопствена љубовна врска. Одговорите на прашањата можат да ви покажат како навистина се чувствувате за вашиот партнер во моментот, дали вашите потреби за врска се исполнети, дали вашата меѓусебна комуникација е добра, дали споделувате исти животни вредности и дали имате иста визија за заедничка иднина.

Ако се сомневате во иднината на вашата сопствена врска, одговорете на прашањата и можеби ќе разберете каков е всушност вашиот љубовен живот. 

ЧУВСТВА

  1. Кога сме заедно, дали се чувствувам пријатно и среќно или тажно, збунето и фрустрирано?
  2. Дали го почитувам таков каков што е или сакам да го променам?
  3. Дали тој ме почитува или не се грижи за моите чувства?
  4. Дали го ценам неговото влијание врз мојот живот или се чувствувам навикнато на него?
  5. Кога ќе ги споделам своите мисли, чувства и грижи со него, дали тој ме слуша и одговара со емпатија или не ме доживува?

ПОТРЕБИ

  1. Дали врската за нас е исто важна?
  2. Дали сме секогаш тука еденза друг или мора да го бркам секогаш кога ќе ми треба?
  3. Дали постои рамнотежа во нашата врска или јас сум таашто ја одржува врската во живот?
  4. Дали му се важни моите потреби како неговите или тој ги игнорира моите на свој трошок?
  5. Дали го вадиме најдоброто еденод друг или се чувствувам како родител кој треба постојано да се грижи за него?

КОМУНИКАЦИЈА

  1. Дали уживам во нашите разговори?
  2. Дали ме разбира и ме следи кога разговараме?
  3. Дали им верувам на неговите зборови или се чувствувам изманипулирана?
  4. Дали тој ги зема предвид моите погледи на светот кога нашите мислења се разликуваат или секогаш ме поткопува?
  5. Може ли да му кажам „не“без проблеми или моето никогаш не се почитува?

ВРЕДНОСТИ

  1. Дали имаме слични погледи на светот?
  2. Дали останувам вернана своите ставови или ги изгубив во оваа врска?
  3. Дали се совпаѓаат нашите животни стилови?
  4. Дали е финансиски одговорен и дали има план за својата иднина или живее од ден заден?
  5. Дали и двајцата еднакво ја цениме искреноста, отвореноста и посветеноста во врската? 

ИДНИНАТА

  1. Дали тој ме вклучува во неговите планови, одмори и семејни собири или јас сум неговата тајна девојка?
  2. Дали е секогаш јасен кога станува збор за тоа што сака од животот или избегнува таков вид разговор со мене?
  3. Дали искрено му објаснив што очекувам од врската и што треба за да се чувствувам среќно?
  4. Може ли тоа тој да ми го овозможи?
  5. Дали му е важна мојата среќа и дали тој ме гледа во иднина или јас сум единственаташто се грижи за нашата заедничка среќа на долг рок?

Прочитајте и: Како да препознаете дали е подготвен за врска? Еве вака!

 

ФОТО: Unsplash

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.