Секс за време на менструацијата: Дали е безбеден и како да се практикува?

Иако за некои е табу, сексот за време на менструацијата е сосема нормална работа и го практикуваат повеќе од 50 проценти од сексуално активните жени. Експертите велат дека нема здравствени причини зошто треба да избегнувате секс за време на менструацијата или каква било опасност во споредба со сексот во другите денови од месецот. Единственото нешто што може да се случи е да не сакате секс за време на менструацијата. Но, не можете да го знаете тоа додека не го пробате. Сите жени се различни. Некои од нив не сакаат да бидат допрени за време на болна менструација, а за некои сексуалните односи ја намалуваат таа болка.

Секс за време на менструацијата и бременоста

Иако шансите се помали отколку во другите денови од месецот, сексот за време на менструацијата може да резултира со бременост, затоа заштитата е задолжителна. Шансите за бременост зависат од должината на женскиот циклус и, се разбира, од плодните денови. Ниту едно тело не е исто или исто „програмирано“, па затоа шансите за бременост на сите се различни. Исто така, не смееме да го заборавиме фактот дека спермата може да преживее во телото неколку дена, што дополнително ги зголемува овие шанси.

Совети за прв секс за време на менструацијата

Ако сè уште не сте пробале секс за време на менструацијата, веројатно ќе ве интересираат некои од следниве работи. Првото прашање што многумина си го поставуваат во оваа ситуација е како да направат што е можно помалку хаос. Решението е да ставите потемна или стара крпа над чаршавите или да имате секс под туш. Ако размислувате за секс за време на менструацијата и не знаете како да му го предложите на вашиот партнер, само бидете отворени. Можете да ја започнете приказната со тоа што ќе го прашате дали тој / таа сака да воведе нешто ново во вашиот сексуален живот и конечно да прашате што мисли за сексот за време на менструацијата. Најважно е тоа што двете страни го сакаат тоа и дека на сите им е пријатно. Не заборавајте за пози и удобност. Некои пози можеби не ви одговараат, така што ќе мора да бидете внимателни и на тоа. Најдобро би било да се започне со мисионерска поза.

Предности на сексот за време на менструацијата

Сексот за време на менструацијата може да ја намали болката во менструацијата и да го намали времетраењето на менструацијата. Исто така, сексот за време на менструацијата е збогатен со природен лубрикант, им овозможува на многу жени различно задоволство и на крајот придонесува за поврзување со партнерот на повисоко ниво. Стигмата околу сексот за време на „тие денови од месецот“ полека исчезнува, а за менструацијата се зборува сè поотворено. Станува моќна одлика на жената и начинот на кој ја славиме силата, прилагодливоста и самата природа на жената. Затоа, ако сакате да го истражите вашето тело и сите негови фази, сексот за време на менструацијата е еден од начините како да го направите тоа.

Прочитајте и: 5 работи што жените никогаш не треба да ги прават пред сексот

ФОТО: Unsplash