Се чувствувате ладно во врската? Овие прашања ќе ви помогнат повторно да се поврзете

Комуникацијата не е важна само кога станува збор за обични секојдневни работи што ви се случуваат вам или на вашиот партнер, туку е неопходна и кога станува збор за плановите за иднината, животните вредности, работите што ве возбудуваат и, се разбира, сексот. Пробивањето во подлабоките слоеви на сè од што сте создадени вие и вашиот партнер, ќе ве доведе до поголема и подлабока врска и некои нови нивоа на поврзаност.

Ако одберете отворено да разговарате за фантазии, желби, стравови, грижи, емоции и ранливости, ќе го покажете сето она што го носите во вас и таа искреност ќе ве поврзе не само емоционално, туку и физички. Сето ова ќе ви даде подобар и повеќе поврзан секс. На почетокот на врската, сексот и врската може да изгледаат совршени до тој степен што нема да мислите дека е можен ладен однос помеѓу вас и лицето со кое сте во врска.

Но, животот, со сите свои промени и фази, понекогаш носи „студени фронтови“, кои многумина ги доживуваат како опасности и потенцијални причини за прекинување. Токму во такви моменти е потребен отворен и искрен разговор, и ако обете страни заклучат дека студот е само моментален и дека тоа се случило поради животни ситници и недостаток на комуникација, постојат низа начини на кои можете да вратите искра во вашата врска. За подобар и поплоден разговор, што сигурно ќе резултира во поголема интимна поврзаност, подолу ви подготвивме 30 прашања на кои вие и вашиот партнер треба да одговорите.

30 прашања за подобар секс и поголема поврзаност со партнер

• Што мислиш за време на мастурбацијата?
• Што мислиш за гледање еротски филмови заедно?
• Сексуална активност што те привлекува и сè уште не е реализирана?
• Дали си заинтересиран за секс-играчки и ако да, кои?
• Што мислиш за сексот преку СМС или телефонски повици?
• Кое е твоето најдобро и најлошо сексуално искуство?
• Која е твојата омилена работа во врска со сексот?
• Што ти значи сексот?
• Како изгледаше твоето прво сексуално искуство?
• Дали имаш стравови што ги чувствуваш во врска со сексот?
• Што мислиш за нашиот сексуален живот? На што треба да работиме?
• Колку сметаш дека сексот е важен во врската?
• Што за тебе е совршена врска?
• Без што не можеш?
• Дали во време на криза, одењето на терапија со партнер (со мене) би претставувало проблем за тебе?
• Кое е едно нешто што секогаш ќе ја уништи врската?
• Што би се случило ако не ми се допадне некој твој пријател?
• На што треба да работиме во врската?
• Што мислиш за врска на далечина? Дали би се согласил на ваква врска ако некој од нас добие работа во друг град или држава?
• Дали нашето пријателство ти е исто толку важно како и нашата љубовна врска?

Прочитајте и: Што правите веднаш по сексот?

ФОТО: Getty Images