Топ 5 песни што пејачите им ги посветиле на своите бивши: Хит за љубовницата на својот колега, која тој никогаш не успеал да ја преболи

Најубавите песни речиси секогаш настануваат кога на музичарите некој ќе им го скрши срцето. Зад хитовите што сите ги пееме во кафеана или во автомобил, најчесто не стои фантазија, туку вистински жени од крв и месо. Тоа се приказни за оставени мажи, неверства и девојки кои едноставно си заминале.

Затоа откриваме кои се жените што всушност ги инспирирале нашите музички ѕвезди да ги напишат своите најголеми и најтажни песни.

Индекси – „Bacila je sve niz rijeku“

Милиќ Вукашиновиќ, кој свиреше тапани во групата Indexi, во емисијата на Ратко Дмитровиќ зборуваше за песната „Bacila je sve niz rijeku“.

Текстот на песната го напиша Кемал Монтено, а музиката ја создадоа Фадил Реџиќ и Слободан Ковачевиќ, иако официјално се води како мелодија на Фадил. Всушност, станува збор за вистински настан. Пимпек (Даворин Поповиќ) три години беше во врска со една девојка и требаше да се венчаат. Таа беше и бремена. Но, преку ноќ сè се промени. Одеднаш му се јави, мислам од Америка. Му рече: „Јас сум во Америка…“, со човекот со кој замина. Го абортираше нивното дете. Кемо го знаеше сето тоа и ја напиша песната“, изјави Милиќ Вукашиновиќ.

Авторот на текстот, Кемал Монтено, исто така зборуваше за оваа песна.

Секогаш ја зборувам вистината, сите приказни во моите песни се вистинити. Која било песна да ја спомнете, зад неа стои вистинска приказна. Така е и со „Bacila je sve niz rijeku“. Не е сосема моја приказна, туку се споени две – една на Даворин Поповиќ, а другата е од моите младешки денови. Давор (Пимпек) имаше девојка, беа пред брак. Тоа беше голема љубов. Потоа ѝ се укажа можност да замине во Америка. Но веќе беше бремена и одлучи да абортира. Оттаму доаѓа и стихот: „носила је нашу љубав, нашу срећу, први цвијет, бацила је све низ ријеку и пошла у други свијет““, раскажал Монтено, пренесува Direktno.

Прљаво казалиште – „Tu noć kad si se udavala“

Баладата „Tu noć kad si se udavala“ на групата Прљаво казалиште е создадена во 1993 година и стана безвременски хит што и денес кај многумина буди силни емоции. Со години кружат различни приказни за мрачната страна на оваа песна.

Како што вели и познатата песна дека „постојат некои други светови“, така и зад една од најемотивните композиции на овој бенд се кријат неколку различни сведоштва. Во центарот на секоја од тие приказни се фронтменот на групата Јасенко Хоура и девојката која му ветила дека верно ќе го чека додека тој го служи воениот рок.

Според првата верзија, по враќањето од војска, Хоура дознал дека бендот има договорен настап на свадба, без да претпоставува дека ќе свират токму на свадбата на неговата голема, веќе поранешна љубов. Оваа речиси филмска приказна подоцна послужила како инспирација и за еден хрватски филм.

Втората, значително помрачна и потрагична верзија тврди дека истата девојка, наводно, си го одзела животот во моментот кога на сопствената свадба го здогледала својот поранешен партнер, што на стиховите „таа ноќ кога се мажеше“ им дало сосема нова и морничава димензија.

Киќо Слабинац – „Zbog jedne divne crne žene“

Една од најубавите љубовни балади на овие простори несомнено е „Zbog jedne divne crne žene“, во изведба на Крунослав Киќо Слабинац. Долго време не се знаеше дека песната ѝ е посветена на поранешната љубовница на Мирослав Илиќ, Мирјана Антоновиќ.

Киќо Слабинац, пејач, гитарист, композитор и аранжер од Осиек, роден на 28 март 1944 година, ја запознал Мирјана за време на турнеја во САД. Тоа, според неговите зборови, била љубов на прв поглед, иако очигледно била еднострана.

Отпатовав во Њујорк на турнеја и таму запознав прекрасна црнокоса девојка. Се вљубив како момче. Како што обично се случува во нашата професија, дојде најтешкиот дел – разделбата. Не знам дали беше поради годините или едноставно таков сум по природа, но во авионот многу страдав. Додека сите му се восхитуваа на изгрејсонцето, јас бев тажен и сам. Тогаш го напишав текстот, а мелодијата веќе ми се раѓаше во главата. Во Загреб ја довршив песната и ја снимив. Стана многу популарна затоа што е искрена и напишана во еден здив“, раскажал Киќо.

Здравко Чолиќ – „Noć mi te duguje“

Култниот хит „Noć mi te duguje“ крие една од најубавите љубовни приказни на домашната музичка сцена. Легендарниот Здравко Чолиќ ѝ ја посветил на својата голема младешка љубов, сараевската актерка Јасна Орнела Бери.

Чола бил лудо вљубен во оваа уметница, а стиховите што совршено ја доловиле неговата емоција и се преточиле во овој безвременски евергрин ги напишала познатата Љиљана Јорговановиќ.

Јасна призна дека Чола ѝ посветил една од своите најубави песни.

Се запознавме многу млади, одамна. Одевме во Скендерија, во Домот на младите, каде што се собираа таленти – не само пејачи, туку и актери, сликари… Се дружевме и таму првпат се вљубив. Сите ги имаме своите први љубови и секогаш ќе има едно место во моето срце резервирано само за него. Особено затоа што имав прекрасно искуство што ќе го паметам целиот живот“, изјавила актерката за босанските медиуми.

Рибља чорба – „Ostani đubre do kraja“

Познатата балада „Ostani đubre do kraja“ произлегла од големата, но несреќна љубов на Бора Ѓорѓевиќ кон Биљана Невајда Шевиќ, една од најубавите белградски манекенки од седумдесеттите години. Иако тогаш беше ѕвезда на модните писти, денес живее мирен живот, далеку од медиумското внимание, гламурот и рефлекторите што ја одбележаа нејзината младост.

Интересно е што со години ме поврзуваа со песната „Lutka sa naslovne strane“, па постојано морав да објаснувам дека всушност не сум „кукла“, туку „ѓубре“. Иако на прв поглед звучи апсурдно, вистината е дека секој што ги знае текстовите на овие песни на Рибља чорба знае зошто е многу подобро да се биде хероината на песната „Ostani đubre do kraja““, изјавила таа за Telegraf.

Беше вечер. Зазвони телефонот, се јави Бора. Ме замоли да се најдеме „Под липом“ за да ми ја прочита песната што ја напишал за мене. Се подготвив и отидов да го видам, а таму… Токму како во песната: „Додека стои покрај шанкот, делумно пијан, мразејќи малку и себеси и другите, полека ги уништува коњакот и цигарите.““

Видео: Јутјуб