Ова се навиките на паровите кои имаат здрава и стабилна врска

Добра и здрава врска се создава со тоа што партнерите ја градат заедно, што бара напор, волја, разбирање и, се разбира, љубов. Психотерапевтката Сузана Б. Филипс тврди дека луѓето кои се во силна, стабилна и здрава врска имаат одредени навики. Без разлика дали сте во здрава или токсична врска или сте целосно сингл, подолу ќе најдете упатства што сигурно ќе придонесат за вашиот љубовен живот.

Гледање во очи 

Ние сме дел од културата што бара будно следење на неколку ситници, како што се нашите сопствени обврски, обврските на децата, обврските што се создаваат во и околу нашиот дом. На тоа додадете и постојано гледање во екраните и мобилните телефони и добиваме зафатени очи кои често немаат време за оние што ги сакаме. Но, сите ние многу добро знаеме дека да гледате некого во очи значи да се поврзете со таа личност на подлабоко ниво, да покажете почит или љубов. Покрај поврзувањето, гледањето во очи може да значи и примирје ако тоа се случи на сред дискусија или кавга. Исто така, гледањето во очи среде настан или толпа е порака да му кажете на вашиот партнер дека сте таму и дека го сакате. Затоа, ако сакате да го следите примерот на парови кои имаат здрава и стабилна врска, воведете контакт со очите во вашата врска.

Смеење

Истражувањата покажаа дека за луѓето е исклучително важно луѓето со кои се во врска да имаат смисла за хумор, односно да можат да се смеат заедно и да прават исти работи. Смеењето заедно го намалува стресот и напнатоста и ги поврзува луѓето. Исто така, докажано е дека партнерите кои меѓусебно се смеат за ситни и смешни грешки, полесно си простуваат.

Попуштање

Еден од најголемите проблеми со луѓето кои се во љубовни врски е тоа што многумина не знаат како да попуштатт. Секогаш е најдобро да се дискутира за секој проблем, но некои дискусии се непотребни и подобро е да се пуштат. Сите парови понекогаш се караат, се расправаат и не се согласуваат. Експертите велат дека луѓето кои се во стабилни врски знаат кога треба да попуштат. Таквите луѓе научиле дека зборот „прости“ доаѓа во различни форми и дека е поважно да се има врска што се градела со текот на годините отколку да се добие аргумент што не води до ништо.

Потврда

Луѓето кои се во стабилна врска едни со други постојано, на големи и мали начини, покажуваат и потврдуваат дека се грижат. Таквите парови не се земаат здраво за готово и се издигнуваат над претворањето на (долга) врска во нешто во што не инвестираат. Инвестирањето тука значи едноставна порака за изразување љубов и почит, бакнеж, прегратка, комплимент и слично. Така, валидацијата не мора да биде голема за да придонесе за стабилноста на врската.

Прочитајте и: Девојките што имаат среќа во љубовта ги поседуваат овие три главни карактеристики

ФОТО: Getty Images