„Не ме интересира полот, сеедно ми е дали е маж или жена“: Сузан Сарандон открила каков партнер сака!
Легендарната актерка
Гостувајќи во подкастот Divorce Not Dead на Каролина Стенбери, актерката Сузан Сарандон открила дека не се брза да најде нова љубов
Сарандон открила дека е задоволна од својата слобода, но и дека прилично е отворена за идејата повторно да биде во врска.
„Мислам дека деновите за голема љубов се завршени за мене… Видете, личноста со која ќе можам да го делам моето шкафче со лекови навистина мора да биде извонредна! Кога станува збор за идните потенцијални врски, не ме интересира полот, сеедно ми е дали е маж или жена! Ниту годините и расата не ми се важни, како ни професијата на таа одредена личност, важно ми е само мојот иден партнер да биде страстен за она што го прави.
Барам некој што не се плаши да биде авантурист, некој што нема да се избезуми ако ми пријдат обожаватели на улица и ми кажат: ‘О, боже, те сакам!’ Имам само еден услов. Тој некој, секако, мора да биде вакциниран против коронавирус“, рекла Сарандон (74)
Легендарната актерка во подкастот зборувала и за својот единствен сопруг Крис Сарандон (78) за кого се омажила во 1967 година, за да одбегне бркање од католичкиот факултет во Вашингтон, каде што и двајцата студирале. Сузан имала 17 години кога го запознала Крис, тогаш постдипломец, а по седум години брак одлучиле дека најдобро е секој да тргне по свој пат.
View this post on Instagram
„Колку луѓе всушност можат цел живот да останат во брак со првата личност со којашто спиеле? Тоа е прилично големо достигнување, зар не?“, изјавила актерката која го задржала презимето на поранешниот сопруг, со кого изградила успешна кариера во Холивуд.
Иако потоа имала неколку долги врски, вклучувајќи ја и онаа со режисерот Френк Амури (62) и актерот Тим Робинсон (62), со кого добила три деца, Сузан никогаш повторно не се омажила. Се гледала и со колегата Шон Пен, музичарот Дејвид Боуви и режисерот Лоис Малео.
Поврзани објави
View this post on Instagram
„Не знам, едноставно бракот никогаш не ме интересирал. Не знам зошто. Моите родители беа венчани и никогаш не сум гледала на тоа како некоја голема работа“, искрено кажала Сарандон.
Во подкастот признала и дека тешко ѝ е да најде партнер на нејзини години, бидејќи мажите на тие години само се обидуваат да сочуваат статус кво, грчевито се држат за она што им преостанало во животот и воопшто не се отворени и љубопитни.
View this post on Instagram
„А кој е мојот најголем проблем? Тоа што премногу се грижам за сè, премногу работам, премногу се однесувам како старател, како нечија мајка! Па кој сака по некое време да има секс со мајка? Не, едноставно морам да научам како да се повлечам и да не правам сè јас“, заклучила Сарандон.