Која е сопругата на Кристијан Ериксен: Сабрина не е типична жена на фудбалер, нивната љубов трае 9 години!
Потресната сцена ја обиколи планетата
Драматична сцена од фудбалскиот натпревар помеѓу Данска и Финска го потресе светот
За време на фудбалскиот натпревар помеѓу Данска и Фанска, данскиот фудбалер Кристијан Ериксен ненадејно падна на теренот, а снимката од моментот кога остана без свест го обиколи светот.
Играчите од тимот на Ериксен, но и од противничкиот тим, со солзи в очите ги набљудувале драматичните мигови и докторите кои веднаш истрчале напомош, додека од трибините на теренот се обидела да се симне и неговата избраничка, Сабрина Квист Јенсен, која ја задржало обезбедувањето.
Следеше борба за животот на Ериксен, која навивачите и играчите ја набљудуваа со солзи и неверување, но благодарение на брзата реакција на докторите, на славниот фудбалер му се врати свеста, по што го пренесоа во болница, каде што продолжиле со испитувања и грижа за неговото здравје.
Меѓу бројните потресни фотографии од немилиот настан се најдоа и такви на коишто се гледа неговата избраничка која расплакана се обидувала да стигне до својот сопруг.
За среќа, драмата стивна по извесно време, а обожавателите, пријателите и љубителите на фудбалот, не престанаа да упатуваат зборови за поддршка на Ериксен, но и на неговото семејство, преку социјалните мрежи.
Која е Сабрина Квист Јенсен?
Сабрина е родена во Данска, каде што се школувала за фризерка, а откако се преселила во Лондон поради клупските обврски на Кристијан, почнала да работи за една модна куќа. Двојката во 2016 купила куќа во Хемстед, а како што откриле за британските медиуми, не им било лесно да се приспособат на новата средина.
View this post on Instagram
Поврзани објави
„Мора да научите како да се борите физички и ментално, но јас можам да го поднесам притисокот и сите напори, затоа што седум дена во неделата живеам за својата работа“, рекол Кристијан во една пригода и додал:
„Сето тоа е многу тешко за мојата девојка. Секако дека би сакал да можам да излегувам во град со неа и со нашето друштво, но едноставно, тоа не се вклопува со играњето фудбал во Англија“, рекол Кристијан.
View this post on Instagram
Сабрина не е типична жена на фудбалер – се обидува да живее мирен, семеен живот подалеку од очите на јавноста, па ретко можеме да ја видиме во медиумите, а ретки се и ситуациите кога папараците успеваат да ги забележат нејзините излегувања во град со пријателите, кои главно подразбираат мирни вечери во нивните омилени ресторани.
Сабрина и Кристијан запловиле во романса во 2012 година, а пет години подоцна ѝ соопштиле на јавноста дека го чекаат своето прво дете. Во јуни 2018 година му посакале добредојде на синот, кој веднаш станал центарот на нивниот свет, а славниот фудбалер често споделува фотографии на социјалните мрежи на кои покажува колку ужива во родителството и во семејниот живот.
View this post on Instagram
Двојката кон крајот на минатата година повторно споделила убави вести, кога на нивното семејство му се придружил уште еден член.