Јунг сметал дека секој проблем во бракот може да се реши кога ќе сфатите ЕДНА важна работа

Постојат моменти кога ни се чини дека нашите сакани не нè разбираат. Едниот сака едно, другиот нешто сосема друго. Ист проблем се гледа од различни агли. На крајот на краиштата, не постојат две исти личности.

Истото важи и за начинот на кој луѓето ги перципираат и обработуваат информациите. Затоа недоразбирањата често ја нарушуваат хармоничната комуникација.

Не нè разбираат – не затоа што не сакаат, туку затоа што не можат

Колкумина навистина ги познаваат особеностите во однесувањето на своите блиски? На пример, ако некого го замолите да купи леб, едниот ќе премолчи и ќе чека потсетување два или три пати, додека другиот веднаш ќе стане и ќе ја исполни молбата.

Она што го правиме или пропуштаме да го направиме зависи од начинот на кој ги разбираме работите. Секоја ситуација е различна, а и луѓето различно ја доживуваат реалноста.

Луѓето имаат различни начини на восприемање:

Слики и визуелни претстави – овие луѓе најдобро учат и разбираат преку гледање. Може сто пати да им објаснувате како нешто треба да се поправи или среди, но нема да реагираат додека не го видат со свои очи. Истото важи и за задачи што им се кажуваат усно – можат да ги заборават, но ако ги запишат и ги видат пред себе, полесно ќе ги запомнат.

„Нашата најголема грешка е што не слушаме за да разбереме, туку слушаме за да одговориме.“

Зборови и говор – за некои луѓе најважен е зборот. Тие најмногу примаат информации преку слушање. На состанок можеби нема ни да ве гледаат во очи, но внимателно ќе го следат тоа што го зборувате. Од друга страна, лесно можат да превидат или игнорираат писмени информации.

Движење, мирис и допир – овие луѓе често користат зборови како „материјал“, „меко“, „тврдо“ или „круто“. Ним им е важно да допрат, да почувствуваат и да испробаат нешто за да се уверат. Подобро паметат преку физичко искуство. На пример, некој настан ќе го запомнат по мирисот, по звукот на автомобил што поминувал или по чувството од летање со авион. За нив е важно предметот буквално да го држат во раце.

„Ако сакаш добри и љубезни луѓе околу себе, обиди се и ти да се однесуваш со внимание, добрина и почит кон нив – ќе видиш дека сè ќе биде подобро. Сè во животот зависи од тебе, верувај ми.“ — Максим Горки

Бидејќи секој човек го доживува светот на свој начин, неизбежно доаѓа до несогласувања. Дел од проблемот е што често ни е тешко да ја разбереме перспективата на другиот.

На пример, визуелните личности реагираат побрзо на нешто што го гледаат. На други им е важно да го слушнат кажаното. Нема да им значи срце испратено по телефон; ним им е потребно да ги чујат зборовите: „Те сакам“. За трети е важно да се приближат и да воспостават физички контакт за да разберат што се очекува од нив.

Затоа ,понекогаш ни изгледа дека луѓето намерно не нè слушаат. Но, во најголем дел од случаите, едноставно не можеме да разбереме како тие размислуваат или кој е најдобриот начин да им ја пренесеме пораката.

Јунговото гледиште за перцепцијата

Познатиот психолог посветил голем дел од својата работа на проучување на перцепцијата. Она што го забележуваме и како го толкуваме е основата на нашето разбирање и, на крајот, на нашите постапки.

Ако постои некакво несогласување, тоа не значи секогаш дека некој не сака да нè разбере или да сочувствува со нас. Можеби едноставно не може веднаш да сфати што очекуваме од него. Некои луѓе не ги разбираат суптилните навестувања, а на други им треба повеќе време за да ја согледаат суштината.

Карл Густав Јунг, швајцарски психолог, психијатар и основач на аналитичката психологија, рекол:

„Проблемите почнуваат да се решаваат кога човек ќе сфати дека меѓучовечките конфликти често произлегуваат од различните начини на гледање на светот, а не од себичност или злонамерност.“

Секој од нас има право на сопствен начин на доживување на светот, а со тоа и на свој начин на справување со животните ситуации. Токму разбирањето на тие разлики е еден од клучевите за подобра комуникација и посилни односи.

ФОТО: Priscilla Du Preez 🇨🇦 / Unsplash