Дали вашето однесување е причината зошто (нова) љубов не е ни на повидок?

Дали и вие ги имате овие навики?

Мислите дека правите сè, но љубовта никогаш не доаѓа. Можеби несвесно правите грешки што ја „бркаат“ љубовта од вас.

Еве неколку од нив:

Сè уште ве обзема минатото

Сè додека размислувате за вашиот бивш и / или можеби дури и доста активно ги следите неговите профили на социјалните мрежи и посетувате места каде што верувате дека може да го сретнете, не сте отворени за запознавање нови потенцијални љубови. Ако вие и вашиот поранешен сте завршена приказна, максимално одалечете се од неговиот живот и отфрлете го целиот емотивен багаж што сè уште го влечете зад себе.

Се плашите да се отворите

Престојот во емоционално безбедна зона звучи безбедно, особено ако неодамна сте биле повредени, разочарани и скршени. Но, во сите оние моменти кога се обидувате да не бидете ранливи, индиректно изразувате срам заради вашите сопствени потреби и желби, а со тоа кревате одбранбен ѕид кој и најпрекрасните и најупорните ќе биде тешко да го пробијат. Не, нема гаранција дека нема да бидете повредени повторно, и, жал ни е што ќе ви кажеме, веројатно ќе бидете повторно, но сè додека не дозволите никој да ви пристапи, нема да го пронајдете сопствениот мир и она што го барате.

Премногу сте водени од вашата глава и премалку од срцето

Секако, изборот на потенцијален партнер ќе се води според одредени критериуми, но едно е да се бараат посакуваните квалитети, а сосема друго е да се одбие кој било потенцијален партнер заради ирационални стравови како на пример дека нема да можете да ги помирите љубовниот, социјалниот и деловниот живот и обврските. Ако наидете на вистинскиот што вреди за вашето време и напор, тој ќе разбере сè што се случува во вашиот живот и ќе покаже разбирање за сите ваши грижи.

Се обвинувате за несреќни врски

Сите ние се справуваме со раскинувањата на поинаков начин. Некои се враќаат во нормала прилично лесно, објективно ја гледаат целата ситуација и ладно признаваат пред себе дека едноставно „не било тоа – тоа“. Но, има и такви кои за секоја неуспешна врска се обвинуваат само себеси. Експертите се согласуваат дека оние кои имале тешко детство и биле емоционално малтретирани се повеќе склони кон такво однесување, иако тоа не е правило. Она што треба да го имате предвид е дека врската е помеѓу две лица и дека и двајцата партнери, доколку сакаат врската да успее, мора да работат подеднакво. Понекогаш напорот едноставно не е доволен затоа што луѓето не реагираат едни на други, како што покажува времето порано или подоцна, но скоро никогаш не е виновна само една страна за раскинувањето. Бидејќи дури и да има некои незадоволства и проблеми, другата страна треба да биде доволно ангажирана за барем да покаже волја да разговара за нив и да се обиде да ги надмине, но ако не сте имале среќа да имате таква личност со вас, очигледно е дека таа личност не била правилната за вас. Но, она што не смеете да го заборавите е дека никогаш не смеете да се обвинувате себеси и да ги земате раскинувањата лично!

Прочитајте и: Дали прељубата е „неизлечива болест“?

 

ФОТО: Getty Images

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време