Овие парфеми траат цел ден и се шират околу вас како облак на свежина
Топлите летните денови со температури од над 35 степени изискуваат поинаков парфем. Мирисите што се совршени во текот на зимата, налето се тешки и им пречат на многумина, дури и повеќе од мирисот на пот. Па затоа, во лета се одбираат свежи, цитрусни тонови кои суптилно се шират околу вас како бран на свежина.
Ви претставуваме 5 класици меѓу најубавите летни парфеми…
1. Maison Francis Kurkdjian Aqua Universalis
View this post on Instagram
Овој луксузен мирис важи за еден од најдобрите за екстремно високите температури. Спојот на бергамот, лимон, бело цвеќе и мошус мириса чисто, свежо и ненаметливо, како мирис на свежо перен бел памук. Идеален е за на работа, градски прошетки и сите пригоди во кои сакате да изгледате и да мирисате дотерано без да претерате.
2. Acqua di Parma Colonia
View this post on Instagram
Италијански класик кој со децении не излегува од мода. Се отвора со свежи цитрусни ноти, а потоа се развива во елегантна комбинација на лаванда, рузмарин и ветивер. На високи температури останува префинет и лесен, поради што е совршен избор за летни патувања и деловни состаноци.
3. Hermès Un Jardin sur le Nil
View this post on Instagram
Поврзани објави
Инспириран од градините покрај Нил, овој мирис спојува зелено манго, грејп, лотос и смоква во единствена освежителна композиција. Овошно-зелените ноти создаваат чувство на леснотија, а парфемот остава печат на природна свежина, дури и во најтоплите денови.
4. Jo Malone London Wood Sage & Sea Salt
View this post on Instagram
Ако сакате мирис кои потсетуваат на море и летно ветре, овој парфем сигурно нема да ве разочара. Комбинацијата од морска сол, жалфија и амбрет не е ниту слатка ниту тешка, туку елегантна и прозрачна. Одличен избор за дневни, но и вечерни летни комбинации.
5. Louis Vuitton Afternoon Swim
View this post on Instagram
Името на овој парфем совршено го опишува неговиот карактер. Доминираат сочен портокал, бергамот и мандарина кои предизвикуваат чувство на свежи како по капење во море. Енергичниот цитрусен мирис особено доаѓа до израз за време на големите горештини.
Како да го продолжите траењето на парфемот во лето?
На високи температури, парфемот побрзо се развива и испарува, затоа најдобро е да се нанесува умерено. Добар трик е да го испрскате на коса или облека (ако не остава дамки), каде мирисот ќе трае подолго отколку на загреана кожа. Исто така, во текот на летото вреди да се одберат тоалетни или колонски води со цитрусни и водени ноти, бидејќи даваат чувство на свежина, без тежината што обично ја имаат ориенталните или гурманските мириси.
ФОТО: ИНСТАГРАМ