Дерматолозите откриваат колку често е препорачливо да се туширате
Секој човек има различни потреби, навики и генетика, па не постои универзален одговор на прашањето колку често треба да се бањате. Сепак, дерматолозите се согласуваат дека не би требало да поминат повеќе од неколку дена помеѓу две туширања.
„Зачестеноста на туширањето зависи од повеќе фактори: производството на себум, потењето, нивото на активност, изложеноста на бактерии и состојбата на кожата. Генерално, се препорачува секојдневно туширање или барем 2 до 3 пати неделно“, објаснува дерматологот Рејчел Назариан.
Како да знаете дали ви треба туширање?
Постојат неколку знаци: од непријатен мирис, преку лупење и иритација на кожата до засилено потење и влошување на состојбите како себорочен дерматитис.
Ако долго го прескокнувате туширањето, може да дојде и до тоа кожата да ви стане задебелена и потемна поради насобраните мртви клетки и нечистотии.
Кој би требало да се тушира секој ден?
Иако некои луѓе можат поретко да се тушираат, постојат групи на кои им се препорачува секојдневно туширање, а тоа се:
1. Луѓе кои се физички активни и се потат.
2. Луѓе со дерматолошки проблеми.
Поврзани објави
3. Луѓе кои се склони на акни.
Три совети за правилно туширање
Секојдневното туширање не е штетно ако се прави на вистинскиот начин. Еве на што би требало да обрнете внимание за да го намалите потенцијалното оштетување на кожата од секојдневното туширање:
Температура на водата
Идеалната температура е млака вода. Жешката вода ја суши кожата, додека ладната не ја чисти добро.
Нежни производи за нега
Се препорачуваат нежни гелови за туширање без агресивни состојки, за да не се наруши природната заштита на кожата.
По туширањето, кожата треба нежно да се исуши со крпа (без триење) и веднаш да се нанесе хидратантен крем.
Не мора да ја миете косата секој ден
Само затоа што се туширате секој ден, не значи дека би требало секојдневно да ја миете и косата. Зачестеноста на миењето на косата зависи од типот на коса и замастеноста на темето. На некои им одговара секојдневно миење, додека на други доволно им е и еднаш неделно.