Мејкап-тајната на Меланија Трамп: Кармин од околу 1.000 денари за совршен „nude“ изглед

Со враќањето во Белата куќа, Меланија повторно се најде во центарот на вниманието – не само поради својот ангажман во американската администрација туку и поради својот препознатлив стил. Нејзината формула за совршен изглед со години останува иста: беспрекорен тен, коса со медени прамени и легендарен „smokey eye“ во комбинација со неутрални усни.

Иако остава впечаток на недостижен луксуз, тајната на нејзината козметичка торбичка крие внимателно одбрана мешавина од врвна нега и шминка од брендови достапни за пошироката публика.

Две децении со истата шминкерка

Зад нејзиниот изглед повеќе од 20 години стои шминкерката Никол Брајл. Нивната соработка почнала во 2003 година, а Брајл е заслужна за некои од највпечатливите бјути-изданија на Меланија, вклучувајќи го и оној за инаугурацијата.

 

View this post on Instagram

 

A post shared by Nicole Bryl (@nicoleskinofficial)

Интересно е што таа често избира производи од брендови како Urban Decay и Estée Lauder – комбинација од квалитет и долготрајност, неопходна за долги часови под рефлектори.

Тајниот рецепт за „Melania look“

За да го постигнете препознатливиот изглед, фокусот мора да биде на прецизноста и внимателно избраните нијанси.

Сè започнува со усните. За нивна совршена дефиниција се користи моливот Urban Decay 24/7 Lip Pencil во нијанса Cruz, кој овозможува прецизно контурирање. Над него, за нежен и свеж розов сјај, се нанесува Urban Decay Naked Lipgloss во нијанса Lovechild.

За вечерни пригоди, приматот го презема Urban Decay Vice Lipstick (Naked Cream) – кармин што им го дава на усните оној прочуен, класичен „nude“ изглед. Неговата цена од околу 1.000 денари го прави луксуз кој е сепак достапен.

Долготрајноста е клучна, па за дополнителна дефиниција често се користи и Estée Lauder Double Wear Pencil во розова нијанса (Rose), кој останува на место со часови.

Поглед што зборува

Сепак, очите се тие што ја раскажуваат главната приказна. Длабочината на погледот се постигнува со сенката Estée Lauder Pure Color Envy во богата бронзена нијанса (Brash Bronze).

Финалниот печат и тајната на заводливиот „smokey eye“ ефект се крие во моливот Urban Decay 24/7 Eye Pencil во темната, интензивна нијанса Corrupt.

Луксузна нега, природен став

Иако шминката е релативно достапна, Меланија не штеди кога станува збор за подготовката на кожата. Таа користи луксузни производи од линијата на својата шминкерка, како Face Lifting Water, чија цена достигнува околу 380 евра.

Најмногу време посветувам на подготовката на кожата на мојата клиентка“, истакнува Брајл, нагласувајќи дека хидратацијата е темел на секој успешен мејкап.

Што вели за естетските зафати?

И покрај постојаните шпекулации, Меланија тврди дека нејзината убавина е целосно природна. Во интервјуа често нагласува дека е против ботокс и инјекциите, бидејќи смета дека таквите зафати можат да ги оштетат лицето и нервите.

Клучот за нејзиниот изглед, како што вели, лежи во здравата исхрана, негата на телото и желбата да старее природно – без обиди да го „замрзне“ времето на своето лице.

Фото: Инстаграм