Фризурата инспирирана од 1970-тите години, со нагласени слоеви и „завеса“ кркми, ќе биде вистински хит есенва
Се ближи есента и многумина размислуваат за промена на фризурата откако сонцето им ја исуши и осветли косата. Еден тренд особено се истакнува и привлекува сè поголемо внимание.
Станува збор за долгите, нагласени слоеви кои ѝ даваат движење на косата, богата текстура и многу повеќе волумен.
Ваквиот начин на потстрижување се потпира на естетиката од 1970-тите, но приспособен е на модерниот стил. Особено популарен е благодарение на фризурата на шведската инфлуенсерка и моделка Матилда Дјерф, чиј препознатлив изглед стана вистинска инспирација на социјалните мрежи.
View this post on Instagram
Тајната е во слоевите
За разлика од потполно рамно потстрижаната коса, слоевите им даваат на прамените повеќе движење и создаваат впечаток на побогата коса. Најдобро изгледаат кога се комбинираат со долги завеса-кркми, кои нежно го врамуваат лицето.
Особено ефектно изгледаат на долга коса, а можат да се приспособат на различни текстури. Ако сакате понагласен ретро-ефект, доволно е да ја исфенирате косата и да додадете големи, меки бранови.
Поврзани објави
View this post on Instagram
„Завеса“ кркмите го менуваат целиот изглед
Токму кркмите можат да одредат дали фризурата ќе изгледа ретро или модерно. Погустите завеса-кркми даваат изразен ретро-шмек од 1970-тите, додека подолгите слоеви околу вилицата или клучната коска, создаваат поелегантен и посовремен изглед.
Предноста на оваа фризура е што не мора да имате совршено фенирана коса секој ден. Слоевите можат убаво да ја истакнат и природната текстура на косата, додека фенирањето и големата четка ќе ѝ го дадат оној препознатлив, раскошен волумен.
View this post on Instagram
Ако целта ви е косата да изгледа погусто, пополно и пораскошно, оваа фризура инспирирана од 1970-тите би можела да биде една од најинтересните промени за новата сезона.
ФОТО: ИНСТАГРАМ