Кога времето не ви е сојузник, а сакате фризура која изгледа како штотуку да сте излегле од професионален салон, овој вирален трик може да биде вистинското решение.
Социјалните мрежи се преплавени со видеа од жени кои за само неколку минути создаваат меки, раскошни бранови, а тајната се крие во една едноставна техника – виткање на косата додека е собрана во високо коњско опавче.
Љубителките на убавината ширум светот се воодушевени од методот бидејќи значително го скратува времето потребно за стилизирање, а резултатот изгледа природно, модерно и елегантно.
Во што е тајната?
Наместо да ја виткате косата прамен по прамен од коренот до врвовите, косата најпрво се собира во високо опавче. Така се обработуваат само должините, што не само што го забрзува процесот, туку создава и поприроден ефект на бранови.
Како да го примените трикот?
Најпрво добро расчешлајте ја косата и соберете ја во високо коњско опавче. Додека фигарото или пеглата за коса се загреваат, подгответе неколку шноли или ластичиња за полесно да ги одделувате прамените.
Потоа поделете го опавчето на неколку еднакви делови и виткајте го секој прамен одделно, исто како што би правеле и со пуштена коса.
Откако локните целосно ќе се изладат, отстранете го ластичето и нежно поминете со прстите низ косата. На тој начин ќе добиете меки и воздушести бранови кои изгледаат природно и ненаметливо.
Резултатот е фризура која зрачи со лежерна елеганција, без премногу нагласени и вештачки локни.
Зошто овој трик стана светски хит?
Поврзани објави
Популарноста на техниката лежи во самата позиција на опавчето. Бидејќи косата не се витка од коренот, брановите започнуваат од средината на должината и нежно се спуштаат кон врвовите.
Токму затоа фризурата изгледа полесно, посвежо и поприродно, како да е изработена од искусен фризер.
Дополнителна предност е што косата веќе е поделена на помали секции, па целиот процес е значително побрз отколку класичното виткање прамен по прамен.
Одговара речиси на секој тип коса
Овој трик можат да го испробаат жени со различна должина и густина на косата.
Доколку имате особено густа коса, експертите препорачуваат да направите две опавчиња – едно во горниот, а друго во долниот дел од главата. Така брановите ќе бидат рамномерно распоредени и поизразени.
Уште една добра вест е што не ви е неопходно фигаро. Сличен ефект може да се постигне и со обична пегла за коса, што ја прави оваа техника уште попрактична за секојдневна употреба.
@acquiredstyle Okay if you haven’t tried this.. you must #curlinghairtutorial #curlinghack #curlingponytail #ponytailcurls ♬ original sound – ACQUIRED STYLE
Видеото со трикот веќе брои милиони прегледи, а многу жени тврдат дека откако го откриле, повеќе не се враќаат на традиционалниот начин на виткање на косата.
Видео: Тикток