За дом како од бајките… без да инвестирате денар во нов мебел!

На сите ни е потребен „ремонт“, посебно на почетокот на новата година, кога правиме рекапитулација на минатото, ревизија на постигнатото и резолуција на она што планираме да го постигнеме во иднината…

Тој ремонт му е потребен и на домот, во кој минататa година дефинитивно поминувавме најголем дел од времето, а неизвесно е што не’ очекува и во новата кога станува збор за пандемијата, па не би било лошо да го „подновиме“ просторот.

Токму затоа, ви пренесуваме неколку трикови како да го освежите ентериерот, притоа, без да инвестирате ни денар во нов мебел!

1 Ослободете се од вишокот работи – исчистете и организирајте ги работите што се натрупани.

 

2 Исперете ги сами или однесете ги килимите на хемиско чистење – вашиот дом ќе мириса чисто.

3 Aранжирајте ги предметите и декорациите на нов начин за да изгледаат декоративно и да ви бидат корисни. На пример, садот со лимони изгледа добро, а шири и пријатен мирис во просторот.

4 Организирајте ги полиците така што ќе ги сортирате книгите по боја или ќе поставите прегради.

5 Организирајте „шопинг-тура“ во подрумот или на таванот, каде што дефинитивно ќе пронајдете стари украси и предмети што одлично ќе се вклопат во зимскиот амбиент во вашиот дом.

6 Поставете го мебелот поинаку, ова е најбрз и најлесен начин за нов изглед на одредена соба.

7 Со остатоците од старите бои (ако се употребливи) бојадисајте еден ѕид дома или нацртајте нешто.

8 Користете гранки од дрвја и свежо цвеќе за да го декорирате домот.

 

9 Дајте им нов изглед на старите работи со помош на четка и бои…

10 Поинаку распоредете ги перничињата или пронајдете им ново место.

11 Сокријте ги каблите за просторот да изгледа поуредно.

 

12 Ставете нови фотографии во рамките за слики.

 

Фото: Getty Images, Pixabay