Бањите без прозорци често имаат проблем со влага и непријатни мириси, но Шпанците имаат едноставно решение
Шпанците се познати по тоа што посветуваат големо внимание на удобноста и пријатната атмосфера во домот, па не е ни чудо што знаат и едноставни трикови благодарение на кои нивните бањи секогаш мирисаат свежо. Особено интересно е решението што го користат во бањите без прозорци, каде што влагата и непријатните мирис најлесно се задржуваат.
Наместо скапи освежувачи за воздух и агресивни хемиски средства, многумина се потпираат на стар метод кој се пренесува со генерации. Потребни се само две состојки – сода бикарбона и неколку капки етерично масло.
Содата бикарбона е позната по тоа што ефикасно впива влага и ги неутрализира непријатните мириси, додека етеричните масла ѝ даваат пријатен и природен мирис на просторијата. Токму затоа, оваа комбинација е идеално решение за бањи без прозорци, во кои често се создава застоен воздух.
Како да направите природен освежувач за бања?
Во помала стаклена тегла сипете сода бикарбона до половина, а потоа додајте десет до петнаесет капки од омиленото етерично масло. Најчест избор се лаванда, евкалиптус, нане или цитрусни ноти, како лимон и портокал. Покријте го отворот на теглата со газа или памучна ткаенина и зацврстете со ластиче или употребете капак со ситни отвори.
Поставете ја теглата на полица, на казанче или на некое друго дискретно место во бањата. Мирисот полека ќе се шири во просторијата, додека содата истовремено ќе ги впива вишокот влага и непријатните мириси. Ефектот трае две до три недели, по што доволно е да додадете нова сода и неколку капки масло.
Поврзани објави
Други трикови што Шпанците ги користат за свежа бања
Покрај ова едноставно решение, Шпанците често користат ароматични билки како нане, рузмарин и лаванда, кои не само што го освежуваат просторот, туку и декоративно го збогатуваат.
Популарни се и миризливите стапчиња во садови со етерични масла, бидејќи даваат благ и долготраен мирис, без потреба од електрични освежувачи.
За чистење на површините, многумина користат мешавина од алкохолен оцет и кора од лимон или портокал. Оваа природна комбинација ги отстранува непријатните мириси, го чисти бигорот и остава освежителна цитрусна арома.
Освен тоа, во фиоките и плакарите, ставаат мали вреќички со сушена лаванда, кора од цитрус или зрна кафе меѓу крпите. Така, дури и текстилот во бањата ќе ги задржи свежината и пријатниот мирис подолг период.
ФОТО: Sanibell BV / Unsplash