Кајла цели девет години живее сама во куќичка што ја направила со помош на пријателите и роднините
Кајла имала само 21 година кога купила прекрасен имот во тасманската дивина. Идејата ѝ била да има нешто свое, да се запознае подобро себеси надвор од социјалните мрежи, живеејќи во природа.
„На почетокот беше морничаво и страшно. Две години не ми беше многу пријатно сама да живеам во оваа куќа, но издржав. Се борев против мојот страв и успеав“, открила Кајла, која е уметница.
Таа нема лаптоп, мобилен телефон или телевизор. Радиото ѝ е единствениот допир со цивилизацијата што го има.
Поврзани објави
Откако го купила ова земјиште, Кајла ја изгубила првата куќа на овој имот за време на шумски пожар. Со помош на семејството, пријателите и заедницата, полека ја обновила, создавајќи магична колиба од рециклирани материјали.
„Сите ми помогнаа. Соседите и пријателите, а најмногу семејството. Со месеци спиев во комбито на татко ми додека го поправав мојот дом“, вели Кајла која самата го дизајнирала и опремила речиси секој дел од куќата.
Денес живее сама во Тасманија, во дом исполнет со креативност, карактер и срце. Таа собира дождовница која ја пие и ја користи за туширање. Се тушира во стаклена градина, во која одгледува зеленчук, а се грее на дрва. Издвоената бања претставува совршено катче за опуштање, а колибата ја проширила така што доѕидала дел за кревет. Кајла е вистински пример за отпорна и решителна жена која се стреми да успее по секоја цена.
ФОТО: Јутјуб