Најлесно се одгледува ноќното цвеќе: Единствениот цвет што мириса и цути навечер им успева и на почетниците!

Ноќното девојче или мирабилис е одличен избор за почетниците, бидејќи е прилично отпорно цвеќе на разни услови и не изискува особена нега.

Ќе му одговара земја богата со вар или глина, на сончевата страна на градината или на делумна ладовина. Се сее на растојание од по триесетина сантиметри – во подготвената вдлабнатина ставајте две до три семки, со оглед на тоа што се шири грмушесто и богато.

Најубаво е ако посадите цела леа или густ раб покрај патеката, бидејќи тогаш ноќното цвеќе има најубав ефект.

Ја красат сивозелени листови и виолетови цветови со по четири ливчиња, во розова, виолетова и бела боја, а навечер шири опоен, слаткаст мирис. Ќе биде доволно редовно да ја полевате и да ја прихранувате еднаш месечно, а ако сакате погусти билки, можете да им ги скратувате врвовите додека сѐ уште растат.

Инаку, ова прекрасно цвеќе по потекло е од Медитеранот и расте како двегодишна билка.

Ова цвеќе обожава ладовина: 9 раскошни билки кои цутат цело лето без сонце!