Минимализам – баланс на елеганција и функционалност

Функционалност, едноставност и елеганција се трите главни одлики на минимализмот, водечки стил на 21 век. Иако минимализмот честопати се опишува со помалку е повеќе, не би се согласиле дека синоним на овој стил е ладен простор, туку, напротив, префинетост и вкус.

Во согласност со сите принципи на овој дизајнерски правец, искусниот и повеќекратно наградуван тим на дизајнери на компанијата „Горење“ одлучи оваа година да ја претстави новата колекција „Симплисити“ (Simplicity), која целосно ги оправдува своето име и повеќедецениската филозофија „поедноставен живот“.

Направена исклучиво во таинствена црна и чиста бела боја, колекцијата Simplicity совршено ги следи правилата на минимализмот и различноста во формите – чисти линии, софистицирана текстура и рамни, стаклени површини.

Со леснотија се вклопува во секој стил – модерен, традиционален, рустикален, скандинавски, индустриски, што го прави совршена почетна основа за опремување на остатокот од станот.

Домашните апарати „Симплисити“, вклопени во секоја кујна, создаваат простор што е визуелно привлечен и функционален, без вишок копчиња, детали и декорации, кој носи чувство на смиреност и баланс во ентериерот.

Без претерување и ексцентричност, естетиката на колекцијата „Симплисити“ се сведува на едноставност, што истовремено подразбира практичност и удобност, и тоа не само во дизајнерска смисла.

Минимализмот го најде своето место дури и во корисничкото искуство. Со својата напредна технологија, колекцијата „Горење симплисити“ го минимизира времето поминато во кујната, приспособувајќи се на специфичните навики на секој корисник.

Сите домашни апарати во оваа колекција – вградена рерна и плоча, фрижидер и кујнски аспиратор – се наменети за сите љубители на модерниот дизајн, но и на иновативните технологии.

Автоматските програми и интуитивните контроли, како што се управувањето со еден допир и однапред нагодените програми, навистина го минимизираат времето потрошено за вршење на секојдневните домашни обврски.

„Горење“, компанија што во следењето на животниот стил на корисникот има стаж од 7 децении, со својата колекција „Симплисити“ уште еднаш покажа дека е идеален сојузник за постигнување поедноставен живот.

На радост на оние што ги следат трендовите и сакаат софистицирано дизајнирани уреди, безвременскиот квалитет на „Горење“ е спакуван во најмодерен дизајн во колекцијата „Симплисити“. Вам ви преостанува само да ја вклопите во вашиот ентериер, и тоа едноставно.

Текст: Home Style

Фото: PR Gorenje

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време