Идеално место за одмор: Апартман во шведска шума кој го одзема здивот
Рај
Оние кои имаат потреба од одмор во природа и бегство од градското секојдневие, со сигурност ќе уживаат во овој апартман во една шведска шума.
Станува збор за кабина со големина од 55 квадратни метри која е изработена од страна на данската компанија Vipp. Апартманот се состои од само една просторија, а компанијата нуди престој на две локации – тоа се Vipp Shelter во шведска шума и Vipp Loft во Копенхаген.
Vipp Shelter кој е сместен во близина на езерото Имелм, е отворен на први ноември, а истиот се смета за “станица каде можете да ги наполните вашите батерии”. Апартманот е направен од метал и стакло, а дизајниран е од страна на Мортен Бо Џенсен.
Во внатрешноста се наоѓа кујна, трпезарија и простор за дневен одмор, а содржи и тоалет и кревет. Во фрижидерот се наоѓаат флаширана вода и шампањ, а на гостите им е на располагање и апарат за кафе.
Апартманот поседува подно греење и огниште, а доколку не можете во потполност да се изолирате од цивилизацијата, на располагање ви стои и Wi-Fi мрежа.
Vipp Loft е нешто полуксузна верзија, со големина од 400 квадратни метри. Овој апартман поседува кујна, трпезарија, спална соба и бања, а тука е и просторот за читање и работа, како и три мали тераси.
Колибата е оддалечена десет минути од центарот на градот, а освен туш, таа поседува и луксузна када во бањата.
Една вечер во Vipp Shelter изнесува 1000 евра за двајца, додека цената за Vipp Loft изнесува 1500 евра за максимум четири лица.