Ѕирнете во домот на Кендал Џенер: Тура во живо низ неверојатниот луксуз во кој живее познатата манекенка! (ВИДЕО)
Екстраваганција и незамислив луксуз!
Манекенката ја отворила вратата на својот луксузен дом во Лос Анџелес за екипата од магазинот Architectural Digest
Една од членките на кланот Кардашијан, успешната манекенка и фото-модел, Кендал Џенер, се пофалила со својата оаза во мирниот дел на Лос Анџелес, за која вели дека со задоволство поминува време во неа.
За Кендал, императив во уредувањето било тоа да се чувствува спокојно во куќата и да има смирувачка атмосфера, а како што вели, тоа и го постигнала.
Дизајнерскиот тим кој работел на ентериерот за луксузната резиденција што Кендал ја купила пред околу една година и ја реновирала цела една година се Кејтлин и Томи Клементс, како и познатиот дизајнер Валдо Фернандез, на чиј детаљ во куќата со име „скорпија“, Кендал е особено горда.
„Многу сум задоволна од работата што ја завршивме овде. Ова е првата куќа што ја преуредив од почеток до крај, до последен детаљ и мислам дека го отсликува токму она што сум и каква сум во суштина“, објаснила Кендал.
Особена љубопитност предизвика турата низ гардероберот на манекенката. Нема да ви откриваме премногу, но ќе ви кажеме само дека, покрај плакарот преполн со брендирана облека, кој е во посебна просторија, манекенката има и своја „Хана Монтана“ соба и своја „Глам“ соба.
Погледнете што има во нив и за што точно служат, а не пропуштајте го ни остатокот од куќата!