Ѕирнете во вилата на една од „најфраерските“ холивудски двојки (ФОТО)

Куќата на Џејсон Стејтам и Роузи Хантингтон ќе ве остави без зборови

Славниот актер на акционите филмови, Џејсон Стејтам и манекенката Роузи Хантингтон-Вајтли, кои се во врска веќе една деценија и честопати се нарекувани „најфраерската двојка во Холивуд“, одлучиле да ја продадат својата куќа во Калифорнија.

Стејтам се прослави со улогата во филмот Transporter додека, пак, Роузи е обожавана како ангел на „Викторија сикрет“ и славата ја следи и сега кога е во пензија.

Оваа нивна фантастично уредена куќа купена е пред 10 години за половина од вредноста со која се проценува денес, кога актерот и манекенката сè уште ја криеја својата љубовна врска од јавноста.

Нивниот дом е познат под името „Црна куќа“, благодарение на фасадата од дрво, која е премачкана со црна боја, но внатрешноста на домот е максимално светла.

Главниот дел на куќата се состои од три спални соби и три тоалети, со пространа дневна соба во два дела, модерна кујна и трпезарија. Спектакуларен детаљ е каминот, околу кој има ѕид кој е декориран со дрво, а погледот од сите простории е фантастичен.

Меѓутоа, особено драгоцен додаток е посебниот апартман за гости кој вклучува спална соба, тоалет и сместен е на горниот кат.

Покрај фантастичната тераса, домашните и гостите можат да уживаат и на приватна плажа до која води задниот влез. Дуплата гаража, специјален систем на осветлување и аудиовизуелен систем го прават овој дом во Малибу да биде посебно атрактивен на пазарот.

Вкупната површина е 370 метри квадратни.

Фото: Пинтерест
loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време